Corpus Van Reenen-Mulder (CRM14): Oorkonde F094p38201

JC Arnt de velke doe cont allen luden dat jc vor my en_ vor myne erfg_ ghepacht hebbe erflike_ van Ernste van holtesende en_ van zienen erfg_ viertien morghen landes gheleghen jn mastebro? tusschen willem den roden van hekern ende lutgharde van + der haselt jarlix om viertiendenhaluen oelden vrancr_ schilt guet van gholde ende gherecht van ghewichte oft guet ghelijc payment dar vor an gholde alle jare te betalen en_ te leuerne bynnen Campe_ ko_merloes de helfte op sante peters dach ad Cathedram en_ de ander helfte op sante Mertyns dach jn den winter sonder enigherhande vertrec vort sin vorworde dat jc en_ myne erfg_ waren en_ holden soelen op onse cost dyke da_me weteringhe en_ allen onraet ? de daer mit recht op komen mach hijr hebben ouer en_ an ghewesen johan water Ecbert heringh johan velke en_ anders vole gueder lude Al arghelist vytgheseghet Jn oerconde dies briefs beseghelt mit mynen seghel Geg_ jnt jaer ons h_en dusent drie + hondert twe en_ tachtentich dies maendaghs nae sante Andries daghe