Corpus Van Reenen-Mulder (CRM14): Oorkonde F094p40001

Jc Herman buydel doe Cond allen luden mit desen brieue dat ic voir my en_ voir ? erfg_ mit gueden beraede in eenen rechten steeden erfcoepe erflike vercoft hebbe Metten albert hagedoerns dochter en_ oeren erfg_ alsulke vier olde keysers~schilde erfpacht alse my dirick van necke en_ alyd sin wijf en_ oere erfg_ erflike schuldich sin van + den achtendeyl van + den guede en_ erfnisse dat zij erflike van my ghepacht hebben om die vier keysers~schilde voirs_ ghelegen in Mastebroec / dair een brief af is dien dirc voirscr_ beseghelt heft beghynnende aldus . (onleesbaar) ende die datum dair af (onleesbaar) . Ende desen voirs_ Tijns en_ brief hebbe ic Metten voirs_ slicht van + der + hant ouerghegeuen oer en_ oern erfg_ oeren vryen willen dair mede te doen . Ende dair voir heft my mette voirs_ alinge voeldaen en_ wal betalt sonder enigerhande argelist . jn orkonde dies briefs besegelt mit mynen segel hermans voirs_ Geg_ int jair ons heren Duysent vier + hondert opter heylighen apostelen dach diuisionis . . .