Corpus Van Reenen-Mulder (CRM14): Oorkonde F095p33801

Ael den ghenen de desen brief zoelen sien ofte horen lesen . . jc iohan van buchorst doe coend to bitughene mit desen brieue daet ic en_ mine brodere en_ mine zust_e mit rade onser ghemeynre maghe hebben voercoft erflike to besittene Euerde spane de helft van den Orde de buten der kerken to sanlicke gheleghen is . en_ de ander helft . gosen spaens broder en_ didericke van zanlicke Oren neuen . erflicke to bisittene vnder oem beyden . Ende eyn waerscap daer to . de ghenome_ is vyt clawes sceynerickes eerue . Ende hebbet de waere gheleghet in + den Oert voerghenoemt mit ael oeren reghte alse gheleghen waes in zaenlicker marke beyde toe watere ende toe weyde en_ van der waerscap to dikene ende to weghene als de van buchorst . en_ seyne van herde . en_ de van westenrode doen . en_ voertmer de ghemeyne erfghenaeme_ de in + der marke ghezeten zin . Ende den Oert voerghenoemt mit aller slachter Nut als hi gheleghen is mit al zinen anwaerpe an + de ysele toe of in de ysele to als hi onse waes . daet si mit scaepgrose ofte mit alrehande Oerbaer de wi daer bin_en hadden Tient~vri . ende voer eyn edel eyghen oem eyne su_me van ghelde de se ons voel en_ wael bitaelt hebben . Ende waer daet zake daet dese voerghenoemede luyde eynegherhande stoet hier van hadden vaen eyneghen voercu_mer de bi ons ofte bi onsen voervaeren daer oep gheleghet hadde wesen . oft van eynegher ansprake daet eynegh maen daer eer oep segghen wolde daer solde ic iohan van buchoerst en_ mine brod_e en_ mine zustere se al scadeloes of holden . Ende des voerghenoemede_ gudes waeren voer al de ghene dees to reghte comen wolden . . Voertmer hebbe ic iohan . en_ mine brod_e . en_ mine zust_e dit Erue oep~ghelaten en_ voerteghen to zanlicke daert gheleghen is voer gherichte . mit Ordel en_ mit reghte als wi vaen reghte zolden . Ende oep~dat dese dinge vaest en_ stade blieven . zo hebbic iohan van buchorst mien zeghel aen desen brief ghehangen . Voertmer hebbe ic iohan voerghenoemt . en_ mine brod_e . en_ mine zustere ghebeden heren rodericke . heeren van voerst . en_ van keppel en_ zuedere van reght_e . en_ ghizelberte en_ laurenses onse oeme . en_ boldewaen vaen deer Ese en_ seynen vaen herde . daet se oere seghele mit den minen an desen brief willen hangen . Ende wi Roderic here van voerst en_ vaen keppel en_ zueder vaen reghter . en_ ghiselbert van buchorst . ende laurerns . en_ boldewan vaen der Ese . ende seyne vaen herde . oemme bede wille iohans van buchorst voerghenoemt . en_ zinre brod_e . en_ zienre zust_e . hebbe wi in Orcunde alle deser stucken voerghescreuen onse seghele mit den zinen aen desen brief ghehangen . Ghe~gheuen jnt jaer ons heren dusent drie + hundert . + en_ acht + in_ + dertegh oep der kind_e~daegh jnnoce_tum