Corpus Van Reenen-Mulder (CRM14): Oorkonde F095p38301

Jc heyne byle jn dier tijt schulte te zallec doe cont allen luden dat vor my ghecomen sin dar jc zat te gherichte in eenen ghehegheden heymael Arnt Clouer en_ lubbe zien witlike wijf en_ bekanden dat sie vor hem en_ vor alpher ende werner arnds vors_ kinder en_ vor al oere erfg_ mit gueden berade en_ mit moetwillen rechtlike ende redenlike jn eenen rechten steden erfcoepe erflike en_ ewelike te besitten vercoft hebben Claes rodrix soen ende zienen erfg_ dat zestendeel van + den haluen oelden oerde en_ dat sie dar an hebben gheleghen te zalleke mit thorue mit twighe mit weyde mit water mit weghe mit velde en_ mit aller slachter not en_ tobehorni_ghe / om eene su_men gheldes de Claes voers_ witlike en_ wol betaelt heft alse Arnt en_ lubbe vorscr_ vor my bekanden jn den seluen gherichte en_ droghen hem dat zestendeel van + den haluen oerde en_ dat sie dar an hebben alse vors_ js vor my op / en_ ghenghen dies vyt en_ verteghen dar van alse oerdel en_ recht wisede En_ louede_ dies vor hem en_ vor oere erfg_ te waren Claes vors_ en_ zienen erfg_ vor al de ghone dies te rechte komen willen woe sie hem dies te rechte waren soelen / hijr hebben ouer ende an ghewesen alse kornoten en_ gherichtslude Sander johans soen johan smolt jacop schulte Gerbert van Ens en_ anders vele gueder lude tughe die hijr tho gheropen en_ ghebeden werden Al arghelist vytgheseghet Jn oerconde dies briefs beseghelt mit mynen seghel heynen schulten vorscr_ om bede willen Arnds en_ lubben vors_ Ende jc Arnt vorscr_ hebbe mijn seghel vor my vor lubben mijn wijf vor alpher en_ werner mijne soen en_ vor al onse erfg_ mede an desen brief ghehanghe_ om eene mere vestenisse aller dinghe vors_ Geg_ jnt jaer ons hern dusent drie + hondert drie en_ tachtentich dies donredaghs nae pasche~dach