Corpus Van Reenen-Mulder (CRM14): Oorkonde F095p39701

Jc bernt van meruen doe kont allen luden jn desen openen brieue . dat bi mynen willen ende consent is . dat Claes spaen ende wendelmoet siin echte wiif miin dochter vercoft hebben harman spaen ende sinen erfg_ die ander + haluen morghen landes ist myn ist meer als si gheleghen siin in roedinc~maden daer an die ene zide naest ghelandet is johan van buchorst ende an die ander zide aernt blanckert streckende van + den caproen in de zwinghe . als ? brief wt~wiset . die hi daer van heuet . Ende ic schelde harman vorscr_ ende sine_ erfg_ dit vorscr_ lant toe guede Ende loue voer mi en_ voer myne erfg_ dat nu_mermeer aen te spreken al arghelist wt~gheseget Jn orconde des briefs beseghelt mit mynen seghel Geg_ int iaer ons heren dusent drie + hondert soeven en_ neghentich opte_ neghenden dach in april