Corpus Van Reenen-Mulder (CRM14): Oorkonde F095p39801

Wy harman muul ende celie siin wittelike echte wiif Doen kont allen luden jn desen openen brieue dat wy voer ons en_ voer onse erfg_ mit gueden beraede ende mit vrien moetwillen rechtelike ende redelike erflike en_ ewelike te besitten voer een edel eyghen in enen rechten steden erfcoep vercoft hebben harman spaen ende sinen erfg_ . onse achtendeel van + der helft van + den noerde gheleghen in + den kerspel van sallic tusschen des papen lande ende den weerde streckende van willem van buchorst an de meente mit huys ende berch ende willeghen ende een achtendeel van eenre haluer waren als die gheleghen is in salliker~marc . die to onsen deel van + den noerde hoert . Ende voert al zulc lant als to onsen deel van + den noerde hoert gheleghen after verdeholte in + den slaghe an die ene zide die wech ende an die ander zide ghelpert van herstenhorst ende voert dat lant datter to ghesleghen is opten roeters~camp . mit torue mit twyghe mit water mit weyde mit weghe mit velde mit alre slachter n˚t ende mit al sinen to~behoeren alst daer gheleghen is . also alst ons an~ghestoruen is van onser ? suster daer god die ziele van hebben moet . sonder dat lant in creyen~broec en sal harman niet hebben Om een su_me gheldes die ons harman vorscr_ wittelike ende wal betaelt heuet Ende wy loeuen voer ons ende voer onse erfg_ . harman vorscr_ ende sinen erfg_ dit vorscr_ lant to waren voer een edel eyghen . woe wy hom dies to lantrechte mit rechte schuldich siin te waren al arghelist wt~gheseget Jn orconde der waerheit soe hebbic harman vorscr_ voer mi ende voer celien miin echte wiif vorscr_ ende voer onse erfg_ miin seghel aen desen brief ghehanghen Gheg_ int iaer ons heren dusent drie + hondert acht ende neghentich des dinsedaghes na sante meerten senddecorues~dach