Corpus Van Reenen-Mulder (CRM14): Oorkonde F096p33501

Allen den ghenen die dessen brief s˚len sien of horen Lesen / do wi / herman Wicbolds sone Jacob vande_ thiuer Seyne johans sone / Johan van + de_ thiuer / Wolbert gey˚nen sone gherd thomaes sone / Aelf van ? / gherd van + de_ dale / Wimer die bleke he_ric vryling herma_ stint en_ Joha_ van riden . . Scepene Jn + der stad van Suolle cu_dich en_ orconden openbare . Dat herman zelle En_ henric hermans broder vors_ bi raede dier Raedlude En_ dier meinre stad van suolle weder Ons ghewo_nen hebt dier tanwertine steenhus den thoern daer bi gheleghen teen ene_ ende van + den huys / en_ den ghaerden / teen and_en Ende / alse o_me twe p˚nd en_ achte scillinge cleinre pe_ninge jarlicks erflike / en_ . Ewelike to zantghangen to bitaelne / Mit alsulken vorwerden . dat die Were vors_ die mure neven dien ghaerden vors_ hoeden Ende sal holden buten dier stad cost En_ oec so en + sal dat huys negheine . doeren hebben ? / der stad Muren / noch engheine vinst_e bineden den eirste_ / boene / sij en + sin ghetraliet / mit yseren / voer (onleesbaar) so en sal die were nieman bisitte_ oft vnder hebben / hie en si burgher Jn suolle . Voertmer alse / die stad bihovet alse van orloghes weghene / dat ghod verbeden mote / so sal die were open wesen toer stad bihoef / En_ worde jn dier were / Enich scaede ghedaen bi_nen ofte buten / den sal die stad bet_en / toer scepene ke_nesse onv_treckt / bi_nen den Jaere / dat / die scade gheuellet / Su_der ? arghelist / Jn Orconde desser stucken / En_ vastichheyt o_me ? wyllen hermans en_ henricks vorgh_ is desse brief biseghelt / mit Onser stad Seghele / vors_ Ghegheven Jnt jaer Ons h_en Dusent dre + hu_dert viue en_ dertich op sante peters avond ad cathedram . . .