Corpus Van Reenen-Mulder (CRM14): Oorkonde F096p34801

Allen dien ghenen die dessen brief s˚len sien of hoern lesen / Doe wy Willem voet herman ter helle / Ecbert die witte / wolter ten weerde scynt wolberts soen / gheerd oppen grauen aelf van tybe_campe / gheerd van Enne clawes meynolds soen / clawes scint / Euerd felikens soen / En_ enghebert bi + der A . / Scepene in + der stat van Swolle / Cundich en_ Orcunde_ ope_bare / dat voer ons quamen / johan gherbers soen van zalne / beerte zijn wijf en_ gherbert johans soen vors_ En_ ghelieden dat sie vercoft hadden / een pund en_ thien schillinghe cleens ghelds jaerlix / Esseken van wechle en_ halenberghe sinen wiue vyt oere were daer sie nu inne woend gheleghen acht_ deestraten tuschen wermers steghen des bleken an die ene zijd en_ oetberts were van langhenbrugghen an die ander zijd / om zouen en_ twintich pund cleens ghelds an g˚eden ghuldene_ schilden elken schild gherakend voer neghen schilli_ghe brabansche die hem vol en_ wal zin bitaeld An alsulken vorwerden dat johan beerte en_ gherbert voers_ dat vors_ pund en_ thien schilli_ghe cleens ghelds jaerlix / losen moghen bi_nen vier jaern naest comende te + rakenen van date des briefs alle jaere to paeschen mid zouen en_ twintich punden payments alse vorscreuen is wart + sake dat johan beerte en_ gherber vors_ ofte oer erfnamen des niet en loseden / so mochte_ esseken en_ halenberch vors_ ofte oer erfnamen dat vors_ gheld jaerlix behoelden vyt dier vors_ were erflike en_ ewelike / Sunder alrehande arghelist / Jn Orcunde des briefs bisegheld mid onser stad seghele van Suolle vors_ om bede willen johans beerten gherberts essekens en_ halenberghe vors_ / Ghegheuen jnt iaer ons h_en dusent drie + hondert achte en_ viertich op paesche~dach