Corpus Van Reenen-Mulder (CRM14): Oorkonde F096p34902

Allen dien ghenen die dessen brief solen sien of hoern lesen doe wy heyneman gri_me ghered Snauel coep vreze herman zelle herman lepherds soene thomaes ghereds soene ludeken van eme wermer die bleke herman vlricks soene wolf van ittersim Robrecht van creyenscote en_ lubbert die caden~eter / Scepene inder stat van Suolle Cundich en_ Orconden openbare dat voer ons quamen herman die vreze en_ jutte ziin wiif en_ loueden tegheuene engheberte vanden tyu_e en_ wendelmoede sinen wiue ofte oern erfnamen van dier hofstede gheleghen in voerstraten tusschen phanen were kinds an die ene zijd en_ willems were voers_ an die ander ziid . twe pund cleens ghelds iaerlix erflike en_ ewelike half to paschen te bitaelne en_ die ander helft to sandghanghen tehuren~rechte mid paymente alse dan toe suolle ghenghe en_ gheue is / en_ ene halue take wiins iaerlix to medewint_e tegheuene Sunder argelist Jn Orconde des briefs biseghelt mid onser stat zeghele van Suolle vors_ om bede willen hermans jutten engeberts en_ wendelmode vors_ . Ghegheuen jnt iaer ons h_en dusent drie + hondert neghen en_ viertich op sancte katerine_ auond eenre juncvrouwen