Corpus Van Reenen-Mulder (CRM14): Oorkonde F096p35001

Jc willem die bleke Richter toe zuolle doe Cu_dich en_ orcu_de openbare dat vor mi quam henric vrilinc en_ gaf mit ordele en_ mit rechte toe rechte_ testame_te een p˚nt cleens ghelds iaerlix na sijnre doet vyt sijnre were gheleghen buten deeser porten tuschen hessels were dies tolnars an die ene zijt en_ wolberts were dies stuppers an die ander zijt dien h_en va_ dien Regulier tzuolle toe betlehem erflike en_ ewelike die helft toe bitalene toe paschen en_ die ander helft toe zantganghen . vnter tijt dat henrics erfname_ vors_ dien h_en vors_ gheuen een p˚nt g_te payments alse dan ghenghe en_ gheve is / sunder arghelist / hijr waren over en_ an roelf katerine_ man / euert poleman / willem zunderlant en_ anders g˚ede lude / Jn orcu_de dies breves bi~zeghelt mit mine_ zeghele willems Richt_s vors_ om bede willen henrics vors_ / en_ om mere vasticheyt zoe hebbic henric vors_ mijn zeghel an desen brief ghehanghen / Ghegheuen Jnt iaer ons h_en dusent drie + hundert vijftich dies dinxedaghes na Misericordia .