Corpus Van Reenen-Mulder (CRM14): Oorkonde F096p35003

Allen dien ghenen die dessen brief soelen sien oft horen lesen / Doe Jc willam die bleke Richter toe Zuolle verstaen ende orcu_de vastelike / Dat voer mj quam in + gherichte / lubbicke gheirds dochter toen toerne / En_ gaf erflicke en_ ewelike mit ordeil en_ mit Rechte / dien p_or en_ dien h_en van betleheem toe zuolle / Jn rechten testame_te en_ Jn Recht_ aelmosse vor oer zeele / zesthijn pond cleens ghelds / also als he_ric vryling die onder hadde / En_ thijn pond cleene also als goessen va_ Zeghestvelde die onder hadde / En_ veerthijn pond cleene die Jordaen snabberts swagher onder hadde / Ende een pond clene Jaerlix / erflicke en_ ewelike / to hasselt gheleghen / En_ dit vorseyde goed leit see em vp mit ordeil en_ mit Rechte / daer over waren en_ ane Engelbert van + den Tyver / henric vrylinc Goessen van zeghestvelde en_ anders vele goeder lude . Jn orcunde welicker stucken is desse brief beseghelt mit minen minen seghele willams des bleken Richters vors_ . o_me bede willen va_ beyden siden Ghegheven Jnt Jaer ons h_en / dusent / + dre + hondert / + en_ vijftich / des vryedaghes na dien eersten sonendach in + der vastenen als men singet Jnuocauit