Corpus Van Reenen-Mulder (CRM14): Oorkonde F096p35005

allen dien ghenen die dessen brief solen sien of hoern lesen Doe wi aernt pap johan stint coep van baerle lambert van honhorst johan johans soene van + den tyu_e jacob van + den tyu_e gheret van tybe_campe johan godeuerds soene el?o van nyensteden dideric johans soene berent bone_dorp en_ ecbert ludgerde soene scepene in + der stat van Suolle Cundich en_ orconden openbare dat voer ons quamen ghese keysers en_ h_man oer soene en_ ghelieden dat sie verhuert hadden oer huus gheleghe_ acht_ Sassi_cstraten bi + den wat_e tusschen w_mers w_e johans soene an die ene ziit en_ johans w_e stints an die ander ziit diderike berends soene to vier iaern naest comende te + rakenen van paschen naest comende iaerlix om zes punt cleens ghelds half to paschen te + bitaelne en_ die ander helft to santghanghen to huren~rechte mid paymente daer men t + suolle bier en_ broet / mede cope_ mach en_ ene halue take wiins to mede~wint_e te + gheuene / jn alsulken vorwerden wannier die vors_ vier iaer omme ghecomen sin so en moghen sie diderike vors_ bi_nen zes iaern daer na mit ghenen meyer versetten des hi ghelike enen and_en daer voer gheuen wille / Sunder arghelist jn orconde des briefs biseghelt mit onser stat seghele van Suolle vors_ om bede willen ghesen h_mans en_ dideriks vors_ Ghegheuen jnt iaer ons h_en dusent drie + hondert viiftich op sancte mathias dach