Corpus Van Reenen-Mulder (CRM14): Oorkonde F096p35101

Allen luden die dessen brief solen sien of hoern lezen / Doe wy gheret van deze zaecwolde Enghebert van gheru_e en_ gheret van gheru_e burghen Cundich en_ orconden apenbare dat wi ghelouet hebt en_ louen in dessen brieue mit ghesamelder haend dien scepenen dien Raede en_ dier meenre stat van Suolle dat ic gheret van deze vors_ die maet gheleghen buten dien Roden~thoerne / overd water bi den nyen grauen alre~naest lamberts maet van hoenhorst / an die ene ziit en_ ghereds maet van herkelo an die ander ziit en_ die ghoerden gheleghen thyends lamberts maet van hoenhorst toe waterwaerd / en_ dien thyns gheleghen binnen Suolle in waterstraten van lamberts were van hoenhorst ont an + den Roden~thoerne / en_ dien thyns geleghen van + den Roden~thoerne van + den erue daer buten ont and water / En_ dien thyns gheleghen achter waterstraten ouer dien oolden grauen oppen middelweerd van ghereds ghoerden ghereds soene vytwaerd ont opt water toe zeelwaerd die ic em vercoft hebbe om ene summe van ghelde die mi vol en_ al bitaeld is / sal verhoelden dien scepenen dien Rade en_ dier meenre stat vors_ van + den proueste van deuent_e daert van Roerd ont_ thiit dat ickt ghered van deze vors_ verghaen kan van + den p_ueste ofte van + den ghenen dies mechtich is die maet en_ thyns vors_ em to enen rechten eyghene te + makene / En_ dat ic gheret van deze vors_ ofte mine erfnamen mine grote maet to herkelo sal weder leggen in die p_uestie in al dien gheuoghe alse die vors_ maet en_ thyns daer inne lach / waert dat ic dies niet doen en conde wannier die scepene van Suolle dat verghaen conden bi den p_ueste so sal ic gheret van deze / ofte miin erfname daer bi comen op ons zelues cost en_ leggen mine grote maet to herkelo vors_ in die p_ueste in al dien gheuoghe alse vorscreuen is / En_ en + schede dies niet toe gueder thiit alse vorscreuen is / wannier dan die scepene wolden / so solde ic gheret van deze vors_ ofte mine erfnamen die vors_ maet en_ thyns bilenen enen manne dien die scepene wolden mit ledegher hand sunder heerwade En_ also voert to bilenen mit ledegher hand den enen voer en_ dien and_en na al die witte dat sie sturuen ont_ thiit dat ment kan verghaen an dien p_uest alse vorscreuen is En_ alse dat verghanghen waere an dien p_ueste vors_ so sal jc gheret van deze vors_ of mine erfname om die vors_ maet en_ thyns opdraghen voer gerichte en_ makend em alse vast dat ment em to landrechte niet breken en mach / al deze vors_ vorwerde hebbe wy gheret van deze als een zaecwolde Enghebert van gheru_e en_ gheret van gheru_e alse guede burghen ghelouet en_ gezekert an gueden trouwen mit ghesamelder hand dien scepenen dien Raede en_ dier meenre stat van Suolle vol te + doene en_ vaste te + holdene / waert dat em dies niet en + schede also alse vorscreuen is so hebbe wy ghezekert en_ zek_en in dessen brieue an gueden trouwen binnen drien daghen na oere maninghe / ofte oers waern boden tsuolle te + comene in ene eersame herberghe daer sie ons in wiseden daer to liggene en_ te + leestene daghelix maeltide to rechten tiden tetene ons zeluen to winnene en_ te quitene van + den weerde niet van danne te + scheydene wi en hadden om al vol ghedaen en_ van schaden en_ van cost die sie daer bi leden en_ namen / En_ waert dat onser enich hiir en~binnen sturue dat god verbede wy and_en die leuendich waern solden enen and_en also gueden man weder zetten in des doden stede binnen vierthien + nachten / onder dier penen dier vors_ leestinghe / En_ waert dat onser enich zeluen niet leesten en mochte die solde enen and_en voer om leggen alse costelike alse hi zeluen leesten solde h_en bede scepene dach al vertrec en_ al arghelist vyt~ghesproken / In orconde des briefs biseghelt mit onsen seghelen / Ghegheuen jnt iaer ons heren dusent drie + hondert een en_ viiftich op s_te marcus dach eens ewanghelisten