Corpus Van Reenen-Mulder (CRM14): Oorkonde F096p36503

Jc jacob van creyenscoet in dier tijt Richter tot zwolle Make kundich Allen luden Dat voer mj quame_ int + ghericht ende in enen ghehegheden hemael . bernd van pijnsteren ende Cyland ziin echte wijf / ende lieden dat zij vercoft hebben voer hem ende voer oer erfghename erflic ende ewelijc om een su_me gheldes die hem vol ende al betaelt is . Egberte veremoelen en_ zine? erfghen_ Achte pond des jaers vyt diere wer? die gheleghen is in der Coestraeten aen der muren daer Arnd die (onleesbaar) nv i_ne woent tussch? lprijc van den hoeve / ende willam den visscher / mer wa_neer Egbert voers_ of ziin erfghen_ (onleesbaar) (onleesbaar) (onleesbaar) ? niet en vonden / daer zij dese voers_ jaerghulde aen Panden of soeken mochten / zoe moeghent zijt voert zoeken zoe wes hem ghebreket op enich atmael . vyt oeren Nyen + steenhuis ende vt_ were die voert gheleghen is in der zeluer straten tot zassinc~poerten wart tusschen Everde van astenderp en_ Riquijn bij der poerten . Te betalen jaerlix die ene helfte tot paesschen ende die ander helfte tot zantghanghe tot hueren~rechte mit payment . daer men pacht ende huere bi_?n zwolle mede betaelt Ende lieten hem dese voers_ jaerghulde voer mj op in den zelue_ hemael en_ verteghen daer van mit ordeel ende mit recht zonder arghelist . . hier weren over ende aen alse gherichts~lude . . bernd bouenderps herma_ van wernen ludeken hudeman Rolof van hessem ende anders ghoide lude . . jn orconde des briefs beseghelt mit minen zeghel jn den jaer ons h_en Dusent Drie + hondert Tsestich + en_ + vyue op zante Thomaes Dach eens Apostels