Corpus Van Reenen-Mulder (CRM14): Oorkonde F096p36701

Jc Gheerd schetteken indier tijt Richter tot zuolle Make kundich Allen luden Dat voer mi q_men int + ghericht ende in enen ghehegheden heymale johan Reynekens soen ende Gheertruyd siin echte wijf Ende lieden dat zij vercoft hebben voer hem ende voer hoer erfgh_ erflijc ende ewelijc o_me een Su_me gheldes die hem vol ende al betaelt is / herma_ne van ju_ne ende sinen erfghen_ Twe pond des jaers vyt oere Alingher w_en gheleghen in voerster~straten Tusschen . bernde den pelser ende . h_en henricke van Creyenschote To betalen jaerlix die ene helfte To zantghanghe ende die ander helfte tot Paesschen tot huere_~rechte mit payme_te daer men pacht ende huere mede betaelt bynne_ zuolle Ende lieten hem dese voers_ jaerghulde voer mi op in den seluen hemale ende verteghen daer van mit ordeel ende mit recht sonder Al arghelist hier w_en over ende aen alse gherichtes~lude herman gri_me / heyne Ty_merman / ende anders ghoide lude Jn Orcunde des briefs beseghelt mit mynen seghele Jnden jaer ons h_en Dusent . + Drie + hondert Tsestich + ende + soven op zunte johans dach to Middesomer