Corpus Van Reenen-Mulder (CRM14): Oorkonde F096p36901

IC Gherd schetteken in der tijt Richt_ tot Zwolle Make kundich Allen luden dat voer mj qua_ int + g_ericht en_ in ene_ gheheghede_ hemael Johan Jacobs zoen van den tyver / en_ liede dat hij vercoft heuet voer hem en_ voer zine erfg_ erflic en_ ewelic o_me een su_me gheldes die hem vol en_ al ? is . Johanne veremoelen die gheheiten is die vos Twe pond des jaers vyt heyne_ van dypenhem alinghe were mit aller slacht_ nod en_ oere_ toebehoere_ alse die gheleghen is in der lutticker~strate_ tusschen hermans were van rysen en_ der hosteden die Jacob mathyas zoens plach te + wesen Te + betale_ jaerlix die een helfte tot Zantghanghe . en_ die ander helfte tot Paesschen tot huere_~rechte mit paymente daer men pacht ende huer bynne_ Zwolle mede betaelt . En_ lyet hem dese voers_ Jaer~ghulde voer mj op in den zelue_ hemael en_ verteech daer van mit ordeel en_ mit recht zonder arghelist . hier ware_ over en_ aen alse gherichts~lude . Lamb_t van dese Dyric die dreyer Johan ludekens zoen en_ anders ghoide lude jn orconde des briefs beseghelt mit minen zeghel Jnt jaer ons h_en Dusent Drie + hondert Tsestich + en_ + neghen des zaterdaghes na ons_ vrouwe_ Dach Assumptio