Corpus Van Reenen-Mulder (CRM14): Oorkonde F096p36902

Jc Gherd schetteken in der tijt Richt_ tot zwolle Make kundich Allen luden Dat voer mj qua_ int + ghericht en_ in ene_ ghehegheden hemael Alijd die echte wijf was henrix des roevers den god ghenadighe mit oere_ ghecore_ mo_baer die oer mit ordeel en_ mit recht ghegheue_ wart . En_ liede dat zij vercoft heuet voer oer en_ voer oer erfg_ erflic en_ ewelic o_me een su_me gheldes die oer vol en_ al betaelt is . johanne veremoolen die gheheite_ is die vos en_ zine_ erfg_ drye + en_ + twijntichste_ halve_ groete_ des jaers . vyt des hoesschen alinghe were mit aller slacht_ nod en_ oeren toebehoere_ als die gheleghen is in zassincstrate_ in wolues steghe . en_ twijntich groet vyt willams steenh_ va_ asp_en gheleghen in der zeluer steghe Te betalen jaerlix die ene helfte tot zantghanghe en_ die ander helfte tot Paesschen tot huere_~recht mit payme_te daer men pacht en_ huere bynne_ zwolle mede betaelt . en_ liet hem dese vors_ jaerghulde voer mj op in den zelue_ hemael en_ verteech daer van mit ordeel en_ mit recht zonder arghelist . hier ware_ over en_ aen alse gherichts~lude lambert van dese dyric die dreyer henric va_ nyensteden ende anders ghoide lude jn orconde des briefs beseghelt mit minen zeghel . jn den iaer ons h_en Dusent Drie + hondert Tsestich + en_ + neghen des zaterdaghes na ons_ vrouwen dach Assumptio