Corpus Van Reenen-Mulder (CRM14): Oorkonde F096p37201

Ic Gherd schetteken in der tijt Richter tot Zwolle Make kundich Allen luden dat voer mj q_men in ghericht en_ in ene_ ghehegheden hemael . Johan die jongheer en_ Lu_moet zin echte wijf mit oere_ ghecore_ mo_baer die oer mit ordeel en_ mit recht ghegheue_ wart . Ende lieden Dat sij vercoft hebben voer hem en_ voer oer erfg_ erflic en_ ewelic om een su_me gheldes die hem vol en_ al betaelt is . lubbert den cleine_ en_ sinen erfg_ . vijf pond des jaers vyt oere alingher weren gheleghen tusschen assentorne en_ Wissthardes haghen bij der m˚ren . daer aen die ene zide ghelandet is Aelbert Wermboldes soen mit der hofsteden en_ weren die plach te + wesen Johans van zuithem . en_ aen die ander zide die steghe die ? tusschen ludeken hilderinghes were en_ des_ voers_ weren . Te + betalen jaerlix die ene helfte tot Paesschen en_ die ander helfte tot zantghanghe tot h˚ere_ recht mit paymente daer men pacht en_ h˚ere binne_ zwolle mede betaelt . En_ lieten hem dese voers_ jaerghulde voer mj op in den selue_ hemael mit ordeel en_ mit recht . en_ hijr voer en gheet niet vyt des_ voers_ were dan des jaers dertien schillinghe brabansche en_ een quarte wijns . (onleesbaar) weert dat Johan of siin wijf voers_ of oer erfg_ coften vijf pond des jaers . vyt eenre ander weren die oere beider vriende duchte dat daer ghoit ghenoech voer weer . die zolde lubbert voers_ of siin erfg_ daer nemen . en_ schelden dese voers_ were quitt van desen voers_ tijnse . mer dien brief die men dan daer af maken solde dien solden Johan of siin wijf voers_ of oer erfg_ _merloes over~leveren en_ doen dien scriue_ en_ beseghelen bute_ scade lubberts voers_ of sijnre erfg_ Al arghelist hijr vytgheseghet . hijr waren over en_ aen als gherichts lude . herman die valkener . Reyner die scroeder Jacob die jongheer en_ anders g˚ede lude . Jn orconde des briefs beseghelt mit mine_ seghel Int Jaer ons heren dusent drie + hondert Tsouentich + en_ + twe op Zante Gregorius dach