Corpus Van Reenen-Mulder (CRM14): Oorkonde F096p37401

Wij Euert van coten en_ johan ludikens zoen . Jn der tijt Scepene der stat van zwolle maken ku_dich allen luden Dat voer ons quamen Jnt scependoemte alse voer scepene arent roederix zoen . en_ ghese ziin echte wijf En_ ghelieden . Dat zie vercoft hebben . voer hem en_ voer hoer erfgh_ erflic en_ ewelic . arent den steenmesseler en_ zine_ erfgh_ vier punt des jaers . wt hoeren hues . gheleghen jn der voerstraten . tusschen gosen peynges w_e an die zijt en_ hermans w_e des clu_peners ande ander zijt . Dat die ijrste pacht is die wt der vors_ were gaet naest . vier punden die daer voer wtgaet ? ene su_me gheldes . die hem vol en_ al betaelt is . te betalen . die vier punt des jaers vors_ half to santgangen . en_ half to paschen . / to huer~rechte mit paymente alse daer men . jaerlix . pacht en_ huere bi_e_ zwolle mede betaelt . / voert zo leten arent roderix zoen en_ ghese vors_ / arende den steenmesseler en_ zine_ erfgh_ die vors_ jaergulde voer ons vp jn den seluen scepe_doemte en_ verteghen . daer van . mit oerdel en_ mit rechte voer hem en_ voer erfgh_ . / sunder al arghelist hier weren ouer Ende an albert johans zoen . arent die scriuer gherd die clapper en_ anders goede lude . Jn orcu_de deses briefs bezeghelt mit onsen zeghelen . Jnt jaer ons here_ Dusent Drie + hu_dert vier + en_ + tsoue_tich . vp sante Peters auond ad vincula