Corpus Van Reenen-Mulder (CRM14): Oorkonde F096p37402

Jc Gerui_ van zelle Make kundich Allen luden dat ic ontfanghen hebbe in ene_ erfwissel van den prior en_ van den ghemeine_ co_vent der Canonicke regulier toe Zwolle anderhalue_ merghe_ landes gheleghen in zalner~marcken in den wilden broic bij den dijc . en_ een pond des jaers quiet dat mijn vader hem erflic in testament ghegheue_ hadde voer zine ziele . en_ twe pond des jaers quiet die he_ willam van tviclo erflic ghecoft hadde vjt minen alinghen g˚ede toe zalne . en_ hebbe hem daer weder aen ghegheue_ toe ene_ rechten gheliken anewissel Twe merghen landes gheleghen in der seluer marcken in + der hoeghermaet . ende want dit nv t_ tijt een ghelijc wissel is zoe ghelove ic voer mj en_ voer mine_ erfg_ . den Canonicken voers_ ende oere_ nacomelinghen desen voers_ wissel erflic te + ware_ voer alle die ghene die des toe rechte comen willen Al arghelist hijr in vytgheseghet . jn + orconde des briefs beseghelt mit mine_ seghel . Jnt jaer ons h_en dusent drie + hondert Tseventich + en_ + vier Op zante johans dach decollatio