Corpus Van Reenen-Mulder (CRM14): Oorkonde F096p37501

Wij Johan Wermers zoen En_ lambert van dese . Jn der tijt Scepene der stat van zwolle . maken ku_dich allen luden Dat voer ons quamen jnt scependoemte alse voer scepene berent ter walle . berte ziin echte wijf en_ gosen ziin zone . ende gheliede dat zie vercoft hebben voer hem en_ voer oer erfgh_ erflic en_ ewelic vmme ene su_me gheldes die hem vol en_ al betaelt is . Joha_ne va_ vernemolen gheheten . die vos ende zine_ erfgh_ vier punt des jaers . wt oerre alinger were . gheleghen jn der nuer waterstraten . tusschen . ludiken hudemans steenhues an die ene zijt . en_ lubberts were des rademakers an die ander zijt . te betalen jaerlix half to paschen en_ half to zantgange_ mit paymemte @ alse daer men pacht en_ huere bi_ne_ zwolle jaerlix mede betaelt . Ende leten hem die vors_ vier pu_t des jaers voer ons vp in den seluen scependoemte mit oerdel en_ mit rechte en_ loueden hem die te waren alse stat~recht wijst tot zwolle al arghelist wtghezeghet . hier were_ ouer en_ an dyrc dreyer herman van ghe_ne . en_ anders goede lude . jn orcu_de deses briefs bezeghelt . mit onsen zeghelen jnt jaer ons here_ Dusent Dre + hu_dert vijf + en_ + tsoue_tich des yrstes zaterdaghes in der vastene .