Corpus Van Reenen-Mulder (CRM14): Oorkonde F096p37801

Jc Gherd schetteken in der tijt Richter tot zwolle Make kondich Allen luden dat voor mj q_men in ghericht ende in ene_ gehegeden hemael . Herman gheerding Gheertruid siin echte wijf ende phe_me hermans dochter voers_ mit herma_ne voers_ oore_ gecore_ mo_baer die hem beiden mit ordeel en_ mit recht gegeue_ wart / Ende lieden des dat sij vercoft hebben voer hem en_ voer oer erfg_ erflic en_ ewelic om een su_me geldes die hem vol ende al betaelt is . johanne van daluessem en_ sinen erfg_ . drye + en_ + twijntichste half pond pachtgeldes des jaers . vyt dien negen morgen landes die henrix van essen plach te wesen gelegen tot voerst op den roede allanx aen dien lande dat florekens van den hoeve plach te wesen . en_ daer toe vyt alle dien lande dat floreken voers_ en_ heilewijch siin wijf hadden doe sij levendich en_ doet waren tot voerst en_ tot westenholt in der marcken en_ in mastbroic . Te betalen jaerlix tot pacht~rechte die ene helfte op zante Martijns dach in den wijnter en_ die ander helfte op zante Peters dach ad cathedram mit paymende daer men boven en_ beneden gemeinlic pacht mede betaelt . En_ lieten hem dese voers_ jaergulde voer mj op en_ vertegen daer van mit ordeel en_ mit recht . voort soo loveden Herman Geertruid en_ phe_me voers_ en_ oer erfg_ dese voors_ erfnis en_ jaergulde voor een edel eygen to ware_ johanne voers_ en_ sine_ erfg_ hoe dat men een edel eygen ten lantrecht mit rechte waren sal voer alle die gene die des tot rechte come_ willen . Al argelist vitgeseget in allen p˚nte_ voers_ hijr ware_ over en_ aen alse gerichts~lude johan ludekens soen . henric van eme bernd van yrt en_ anders goede lude jn orconde des briefs besegelt mit mine_ segel daer ic herman voers_ mine_ segel mede hebbe aen gehanghen tot ene_ tuge der waerheit . Gegeue_ int jaer ons here_ . dusent drie + hondert Tsouentich + en_ + achte op zante valentijns dach