Corpus Van Reenen-Mulder (CRM14): Oorkonde F096p38102

Jc Gheert schettikin in dier tiit richt_ in zwolle / doe kundich alle_ luden dat vor mi ziin gecome_ int + gerichte ende in enen gehegheden hemael / en_ vor gerichts~lude hijr na bescreue_ Berent morriaen ende aliit ziin echte wiif / mit berende vors_ oere_ gecoere_ mombaer die oer mit ordele ende mit rechte gegeue_ waert / . Ende geliede_ dat zij vor em en_ vor oer erfname_ erflic en_ ewelic vercoft hebbe_ / om ene su_me geldes die em vol ende al betaelt is / Goesse_ ludikens zoene van campe_ ende zine_ erfname_ to erfliker bezittinghe / Twelf morghe_ landes als die geleghen ziin to torue to twighe to weghe to velde to weyde to wat_ / mit diken mit weteringhen en_ mit alle_ onrade slachter n˚t en_ oere_ to~behoere_ in mastebroec in viremeder slage en_ in zwoller kerspel tussche_ lande benikens va_ den haghe_ an die ene ziit / ende lande der lange aven kind_e an die ander ziit / ende vor een edel eghen / Ende zij leten em die vors_ twelf morghe_ landes daer voer mi op in den selue_ gerichte / ende verteghe_ daer va_ mit ordele ende mit rechte / Ende louede_ vor em en_ vor oer erfname_ vor mi in den + - selue_ gerichte / goesse_ vors_ en_ zine_ erfname_ des vors_ landes alse vors_ is van een edel eghe_ to ware_ hoe dat men een edel eghe_ mit rechte schuldich is te waren vor alle die ghene die des to rechte come_ wille_ / hiir hebbe_ an ende auer gewese_ alse gerichts~lude johan die brune mathiis die br˚ne / heyne euerts zoene / rembolt die hollander en_ anders guede lude / al argelist hiir in vitgeseght / jn + orconde des breues besegelt mit mine_ segele / geerts richters vors_ / om bede berends en_ alide vors_ / daer ic berend vors_ miin segel mede hebbe an gehanghen to ene_ meerre_ t˚eghe der waerheyt / Gegeue_ int iaer ons here_ dusent drie + hondert Een + en_ + tachtentich des dinxedag_ na paessche~dach .