Corpus Van Reenen-Mulder (CRM14): Oorkonde F096p38201

Wy ghert van spoelde en_ Alfer de gruter scepen Jn + der tijt to swolle maken cu_dich allen luden dat vor ons quam in scependoem als vor scepen johan witterot en_ Alijt siin echte wijf mit Johanne vors_ oeren ghecore_ mu_baer de oer mit ordel + en_ mit rechte ghegheuen waert en_ gheliede dat se vor oer en_ vor oer erfghenamen erflic en_ ewelic vercoft hebben vor ene su_me gheldes de hem vol + en_ + al bitaelt is / Johan elies soen en_ Jutten sinen wyue en_ oere_ rechte_ erfghename_ erflic to bezittene veer pond des jaers vyt ore alinger were als de + gheleghen is in + des keyzers steghe tuschen w_ner quap en_ rickelant des groten to bitalen de ene + helft to pachen en_ de ander helft to zantgangen to huerrechte mit pay~mente daer men meenlike erftins binne_ swolle mede betaelt en_ se leten em dese vors_ jaergulde vor ons vp in + den seluen scepe_doem en_ v_teghen daer van mit ordel en_ mit rechte en_ loveden vm de to waren vor al + de ghene de des to rechte come_ wilt en_ vyt deser vors_ were en solen neet meer de veer pond vore vytgaen de mette des swarte_ hevet en_ daer naest Johans vors_ veer pond al arghelist vytgheseghet Jn orcu_de des breves beseghelt mit onsen zeghele gherds en_ Alfers vors_ om bede van beyden siden Jnt Jaer ons h_en dusent dre + hu_dert tachtentich en_ twe vp onser vrouwe_ dach purificacio .