Corpus Van Reenen-Mulder (CRM14): Oorkonde F096p38402

Jc Gherijt de grote doe Cond en_ kenlic alle_ luden . die desen brief solen sien . of horen lesen . dat ic voer mij en_ voer myne erfghename . mit vrien willen . en_ mit g˚ede_ berade . ouer~gheue en_ mede gheue . en_ machtich make . ghelijc my seluen . beyde in myne_ leuene . en_ oec nae mijnre doet . des huses en_ erues mit alle sinen toe~behoerne en_ an allen rechte dat ic daer an hebbe also als dat gheleghen is to Zwolle jn + der beghinen~strate . daer aen die ene sijt gheleghe_ is der mynre~broder~h˚ys van campen . en_ an die ander zijt clawes die messemaker In allen vorwarde_ rechte en_ maniren . als ic dat ontfanghen hebbe . mit allen eyghe_dome van johan essekens sone witte coep maes sone . en_ wijgma_ Burinc . als die principael~brief daer of spreket en_ hoeldet Meyster florens Radewiins zone vicarijs to deue_ter . en_ heren johan van den gronde priesters daer mede toe done . en_ to latene horen vryen willen . tot der eren . en_ tot den loue gades . Also dat wat onser twe daer toe . en_ mede doet . dat dat die derde volghen sal . En_ wert dat onser jenich van ons dreen quame van den liue tot der doet . soe moghen en_ solen die twee die van ons to liue bliuen . kiesen enen derden man die ons ghenoghet ghiestlic of werlic . die van eenre g˚eder _sciencie_ is in des dodes stede . en_ hem gheue_ en_ beuelen dat voerscreue_ h˚ys jn allen maniren als wijt ontfanghen hebben . en_ also dat altoes dree bewares bliuen solen van den h˚ys en_ erue voerscreuen . die den eyghendoem en_ al recht van den h˚ys hoelden en_ besitten solen . tot der eren godes . en_ g˚eder me_chen . En_ altoes wan daer jenich sterft Soe solen die daer bliue_ enen g˚eden weder kiesen . in des doden stat . . . In oercu_de deser ding_ Soe hebbic mijn seghel an desen brief ghehanghen . en_ bidde heren flore_s . here_ joha_ne voerscreue_ . en_ heren gheryt rogmusschate werner backer . henric ghehete_ byrma_ . en_ lamb_te scuerma_ . en_ gosen tyacen . dat sie mede oer seghele an desen brief hanghe_ . En_ wij florens johan . gherijt priesters . werner . henric . lambert . gosen . hebben om meyster gheryts wille_ en_ om vestinghe deser ding . onse seghele hijr an ghehanghe_ . Su_der al arghelist Ghegheue_ jnt jaer ons heren dusent . + drie hu_der vier en_ tachte_tich op Su_te Margharete_ dach