Corpus Van Reenen-Mulder (CRM14): Oorkonde F096p38501

Wij Scepen ende Raet der Stat van zwolle . Maken kondich Allen luden dat voer ons gecomen is in schependom alse vor scepen Alijd die echte wijf was henric des voechtes den god genadich sij Selue en_ lyde oer kijnder mit herma_ scijnt oeren gecore_ mo_bare die hem mit ordele en_ mit recht gegeuen wart ende Scynt wolberts soen johan ten water jacob van tyver en_ Godert wolberts soen mage der kijnder voers_ Ende lieten bij oeren rade losenen joha_ne tvnen en_ Gesen sinen echten wyue . zeste + half pond des jaers . van dien zestien ponden des jaers / daer sij oer huys dat gelegen is in zassincstraten op den hornic bij den kerchoue tegen hem erflic om geh˚ert hebben / elc pond des Jaers voer vijf olde schilde na vorwaerde des (onleesbaar) briefs die gemaket is van dien erftijnse en_ van der lose voers_ / en_ dit voers_ gelt soelen die vriende keren in der voers_ kijnder orbare / En_ sij sculden eenpaerlic joha_ne tvne_ en_ Ghesen voers_ en_ oer erfg_ quijt van desen voers_ zestenhalue_ ponde des jaers Al argelist vytgeseget Jn orconde des briefs besegelt mit onser stat segel Gegeue_ jnt jaer ons heren . dusent drie + hondert Tachte_tich + en_ vijue Op ons_ vrouwen Avond Purificac_