Corpus Van Reenen-Mulder (CRM14): Oorkonde F096p38801

Jc johan ten tyver henrix zoen jn + der tiit Richter tot zwolle make kundich allen luden dat voer mi ziin gecomen jnt gherichte ende in enen gehegeden heymael en_ vor gerichts~lude hier na be~screuen johan van lente ende ghese ziin echte wijf mit johanne vors_ oren gecoren momber den zee aldaer koes to der seluer tiit mit handen en_ mit monde en_ oer gegeuen waert jn + den seluen heymael als ordel ende recht was / ende bekanden ende gelieden des dat zee vor hem ende voer oer erfgh_ erflic ende ewelic vercoft hebben tot erflijker besittinge om een summe ghelts die hem vul ende al bitaelt is herberte van hengevelde ende zinen erfg_ een verendel van dreen waren dat geheten is dat h˚iswerding g˚ed daer dat ene verendel van to behoert den heren van belheem en_ de helfte van + den vors_ guede luden van campen in desser tijt na date des brieues als dat gelegen is mit alle zinen to~behoren jn + den kerspel van zwolle en_ jn + der mercke to schelne to torve to twyghe to holte to velde mit water mit weyden ende mit aller slachter nod Ende zinen to~behoren vit~ghenomen dat mastebroech mit zinen to~behoren Ende zee lieten hem dit vors_ gued vor my op vor een edel eyghen ende verteghen daer van als ordel ende recht was en_ louede_ hem des to waren ende zinen erfg_ vor een edel eyghen vit~genomen die jaergulde die daer iaerlix mit recht vit gheet hoe dat men een edel eyghen mit rechte waren sal vor hem ende vor oer erfg_ Ende vor alle die ghene die des to rechte comen willen al argelist hiir jn vitgeseget hiir weren ouer ende aen als gherichts~lude ludiken hilberdinc berent vriedach ende anders goede lude jn Orcunde des brieues besegelt mit minen segel johans Richt_ vors_ om bede willen johans ende ghesen vors_ jn + den jaer ons heren dusent dre + hundert tachtentich ende achte op onser vrouwen avond natiuitas . . . . . .