Corpus Van Reenen-Mulder (CRM14): Oorkonde F096p39101

Wij Egbert degen soen en_ Rolof algering Jn der tijt Scepen in der Stat van zwolle Maken kondich Allen luden dat voer ons gecomen siin in scependom . Wolter ten weerde en_ Claes van genne gebroeder / Ende lieden des dat sij voer hem en_ voer oer erfg_ erflic verhuert hebben lamberte arndes soen ende sinen erfg_ . een hostede gelegen buten deser porten in + der nyer Stat in den groten schilt naest Aelberte meynering . elckes jaers om ander + half pond Te betalen jaerlix die ene helfte tot Paesschen en_ die ander helfte tot zantganghe tot hueren~rechte mit paymente daer men pacht en_ h˚ere bynne_ onser stat mede betaelt / En_ sij loueden lamberte voers_ en_ sinen erfg_ dese voers_ hostede voer dese voers_ pacht te waren als onse stat~recht is voer hem ende voer oer erfg_ en_ voer alle die die gene die des tot recht willen comen Al argelist hijr in vytgeseget Jn Orconde des briefs besegelt mit onsen segelen Jnt Jaer ons h_en dusent drie + hondert Negentich en_ een des Manendag_ na palmen