Corpus Van Reenen-Mulder (CRM14): Oorkonde F096p39301

Wij lubbert ten berghe Ende Robert van Ittersim in der tijt schepene in zwolle doen kundich allen luden dat vor ons zin ghecome_ Int schependoem alse vor schepene johan van Tyver hermans zone Ende alijt ziin echte wiif mit johan vors_ oere_ gecore_ mo_bar de oer mit ordele en_ mit rechte ghegeue_ waerd Ende gheliede_ des dat zee vor hem ende vor oer erfg_ erflic vercoft hebben Om ene su_me gheldes de em vol ende al betaelt is joha_ helijs zone Ende aelbert snavel nv ter tijt p_uisore der malatischen hospitale bute_ der m˚re to zwolle en_ bute_ voersc_ poerte_ gelegen to behoef des selue_ hospitaels Enen acker lands als de gelege_ is op zwoller~eng bute_ zassingpoerten daer an de ene ziide naest gheland is zweder van voerste En_ an de ander ziide johan ludekens zone cu_merloes va_ diiken van weteringhen ende va_ alle_ onrade zunder allene va_ de_ vrede de daer o_me gaet Ende vor een edel eyghen En_ ze liete_ em de_ vorscr_ acker lands vor ons op mit ordel en_ mit rechte En_ zee legede_ de diike en_ weteringe va_ dese_ vorscr_ acker lands op oer ander erve in zwoller~marke En_ lauede_ em dat to ware_ vor em en_ vor oer erfg_ en_ vor alle de ghene de des to rechte come_ wille_ ghelijc dat vorscr_ is . Doe dit ghescheet was doe quame_ vor ons in de_ seluen schependoem alse vor schepene johan van oene Ende mille ziin echte wiif mit joha_ oere_ ma_ne vorscr_ de oer gegeue_ waerd alse recht was to oere_ ghecore_ mo_bar Ende gheliede_ dat zee vor em en_ vor oer erfg_ erflic gepacht en_ in erfpacht ontfange_ hebben va_ de_ selue_ johan ende aelberte p_uisors des hospitaels vors_ ende van de_ sel˚en hospitale souen ende twintich rode landes va_ de_ selue_ acker lands vors_ Om dree pond gheldes des jaers Voert so gheliede_ Claes van jttersim ende alijt ziin echte wiif mit claes vorscr_ alse mit oere_ gecore_ mo_bar dat zee vor he_ en_ vor oer erfg_ erflic oec ghepacht en_ in erfpacht ontfaghe_ hebbe_ va_ de_ zelue_ joha_ en_ aelberte p_uisores vorscr_ een en_ twintich rode en_ een veerdel va_ ener rode lands va_ de_ selue_ acker landes vorscr_ o_me twee pond en_ om een derdendeel van ene_ ponde en_ om ene_ schilling cleens gheldes des jaers Voert sin voer ons ghecome_ jn schependoem alse vor schepene johan aelberts zone ende alijt ziin echte wiif mit joha_ oere_ ma_ne vors_ alse mit oere_ ghecore_ mo_bar En_ gheliede_ dat zij des ghelikes alse vorscr_ is oec ghepacht en_ in erfpacht ontfange_ hebbe_ va_ de_ sel˚en p_uisores vors_ veer ende twintich rode landes een veerdel va_ ener rode lands myn va_ de_ vors_ acker lands o_me twee pund en_ o_me de twee deel va_ ene_ ponde gheldes een schilling cleens gheldes myn des jaers ? betale_ jaerlix half to paeschen en_ de ander helft to zantgange_ to huere_~rechte En_ mit payme_te daer me_ huere in zwolle mede betale_ mach Vytgenome_ Arghelist jn Oerkunde des breefs bezeghelt mit onse_ zeghele_ lubberts en_ Roberts schepene vors_ jnt jaer ons heren Dusent dree + hondert dree ende neghentich des naeste_ dages na sante Ponciaens dach