Corpus Van Reenen-Mulder (CRM14): Oorkonde F096p39401

Wij wermer johans zone en_ albert snavel in der tijt scepene in zwolle doen kundich alle_ lude_ dat vor ons gecome_ zin jnt scependom johan van blide_ Gheertrued zijn echte wijf mit joha_ vorsc_ oere_ gecore_ mo_bar de oer gegeuen waerd alse recht was en_ geliede_ des dat zee vor he_ ende vor oer erfg_ erflic vercoft hebbe_ stedes erfcops Om ene su_me geldes de em vol en_ al betaelt is Gherbert ten bussche en_ zine_ erfg_ erflic twee pond geldes des jaers vyt oere_ halue_ huys gelege_ acht_ de_ kerkhoue an der strate_ de me_ gaet va_ de_ kerkhoue t_ luttek_ porte_ waerd tusschen aleid ludek_zone en_ johan en_ geertrud en_ oer docht_ vors_ daer ze nv t_ tijt in wone_ To betale_ alle jaer half to zantgange_ en_ half te paesche_ to huere_~rechte mit payme_te daer me_ huere in zwolle jaerlix mede betale_ mach En_ ze lauede_ gherb_te vors_ en_ zine_ erfg_ dat dese twee pond des jaers vors_ de eerste tins en_ jaergulde wese_ zulle_ de vyt de_ halue_ huys vors_ jaerlix gaen zulle_ naest twelef deue_t__ placke_ des jaers de vyt de_ veer huyse_ de joha_ en_ geertrued en_ oer docht_ aldaer tsame_ ligge_de hebbe_ algelike vor~gaen zulle_ En_ zee liete_ em dese vors_ jaergulde vor ons op in de_ seluen scepe_dom Ende vertege_ daer af alse recht was en_ lauede_ de gherberte vors_ en_ zine_ erfg_ toe ware_ in aller mate als vors_ is vor he_ vor oer erfg_ en_ vor alle de ghene de des toe rechte come_ wille_ zunder argelist jn Oerkunde des breefs bezegelt mit onse_ zegele_ jnt jaer ons h_en Dusent Dree + hondert veer + en_ + neghentich des wonsdages in der vaste_ na leta_e