Corpus Van Reenen-Mulder (CRM14): Oorkonde F096p39601

Wij Gheerd sticker en_ gheerlich de Cadenet_ in der tijt scepene in zwolle doen kundich alle_ lude_ dat vor ons gecome_ is jnt scependom henric van eme / En_ geliede des dat hi vor hem en_ vor sine erfg_ erflic vercoft heeft stedes erfcops o_me ene su_me gheldes de em vol en_ al betaelt is berende va_ yerte en_ zine_ erfgen_ erflic vyer pond geldes des jaers / de em va_ broder~sceidinge to gescheide_ sin vyt telema_ goltsmedes huys en_ were mit al oere_ tobehorn / als de gelege_ is tussche_ gheerd maes en_ joha_ bolte ende strecket van der deser~st_te tendes op de nyestrate als de ludeke_s van eme ziins vader plege_ to wese_ en_ als de hen_ vors_ va_ broder~sceidinge to gesceide_ sin To betale_ alle jaer halff to Paesche_ en_ half to zantgange_ to huere_~rechte mit paym_te daer me_ pacht en_ huere in zwolle jaerlix mede betale_ mach En_ hi lauede bernde vors_ en_ zine_ erfg_ dat dese vyer pond siaers vors_ de yerste tins en_ jaergulde wese_ sulle_ vyt der aeling_ were vors_ En_ hi leet em dese vorscr_ jaerrente vor ons op in de_ selue_ scependom en_ vertegh daer af als recht was / en_ lauede em de to ware_ als onse stad~recht is vor hem en_ vor zine erfg_ en_ vor alle de ghene de des to rechte come_ wille_ zunder argelist jn Oerkunde des brieffs bezegelt mit onse_ zegele_ jnt jaer ons h_en Duyse_t drie + hond_t ses en_ neghentich des wonsdages na Mise_icordia d_m___