Corpus Van Reenen-Mulder (CRM14): Oorkonde F096p39602

Wij Scepen ende Raed der stad van zwolle doen kundich allen luden wantt neghene dinge staende en mogen bliuen ten sij dat ze guede ordinantie ende Regiment hebben Ende op~dat baghine_ des baghine_~huys en_ wonynge in zwolle in der baghine_~strate gelege_ / de nv sin of hiir~namaels daer in ontfange_ zulle_ werden mit rosten ende vreden zunder der kierder mensche_ bespreck in my_nen / oetmodicheden in kuescheden en_ voert in alle_ and_en dogeden . to~gader o_me gaen en_ malc~and_en in mynne_ dene_ moge_ In gehoersamicheyt des pawes / hore prelate_ / en_ hoers kerch_en Ende zonder alle dwelinge gode denen in den geeste der oetmodicheyt So hebbe_ wij Scepen en_ Raed der stad va_ zwolle o_me n˚theyt des baghine_ h˚ses vors_ en_ by rade onses kerch_en ouerdrage_ o_me den dyenst gods to sterken . en_ to vermeren / dat de Baghine_ des huyses vors_ de nv sin oft hiir + namaels ontfange_ zulle_ werden vastlike holden zulle_ tot ewigen dagen also~dane Ouerdracht en_ ordinantie mit alsodane_ penen / als dese brief begrepe_ heeft Ende hiir na bescreuen staen / In der yersten . So hebben wij aldus ouerdrage_ en_ geslote_ bij rade onses kerch_en Alse dat onse kerch_e en_ twye va_ onse_ Rade / de wij daer to vogen zullen alle jaer na Paeschen achte + dage oft verte_nacht come_ tot den baghine_ huyse en_ dan zulle_ de baghine_ by rade des kerch_en en_ dier twye va_ onse_ rade . kesen ene va_ hem allen de dat jaer lang ene bewaerster sij des huyses Ende een yghelic sal keese_ de ghene de ze meend na horen besten gev˚elen . en_ verstaen dat orbarlixte daer to is / ten lo˚e gods en_ tot gestichticheyt eens guede_ leue_s Ende dan zulle_ de p_sone des huyses doen en_ laten na gueddunke_ der bewarerster @ op~dat de p_sone eendrachtich mogen bli˚en Ende wanneer de bewaerster enigen p_soen berespet js ze schuldich se sal hoer bet_en . mit guetlike_ woerde_ en_ mit werke_ / dunckt oer dat ze niet schuldich en is So sal se hoer oetmodelike_ ontschuldigen zonder schelden ende zonder harde woerde / Doch velle de bewaerster of yeme_t mit onredeliker hardicheyt de en solde dat niet wederstaen mit onweerdigen woerden / of gelate / mer se soldet hene laten gaen waerd niet alto groet Mer weerd ene grote en_ zwaer sake . so soldet de p_soen den and_en huysgenote_ anbrengen . dat ze de waerster onderwiseden en_ zegede_ dat ze hoer genoge_ lete . also voer als hem duchte dat ze onrecht hadde ende so solde hoer de bewaerster genogen laten . Item de p_sone des huyses sulle_ onder + malcand_en wese_ oetmodich zachtmodich in woerden in werke in ghelate in cledinge / hoer cledinge zullen wesen van oetmodigen wande / zunder werlike_ snede / oer stillegange en_ schoen stomp . en_ slichte Der reme_ ende budele . van leder zunder zijde ende sonder beslach . oer boke sonder siluer ofte gold . en_ alle oer sake geliket en_ getrecket tot oetmodiger wiise Item See en zulle_ ghene werlike dinge make_ alse sticke_ perle_ . golt of zil˚er of b˚rd˚er~wercke of dier gelike . Item Alse ze in de kerke sulle_ gaen so sulle_ see to~gader gaen ende zulle_ to~gader wedercome_ / en_ na den tiden / in der kerke niet bli˚en bute_ gueddunke_ der bewaerst_ en_ tegen hare_ wille Ende alse die ander to kerke_ gaen / so en sal nyemant bysonder in huys bli˚en ten zij by guetdunke_ der bewaerster Mer hadde yema_t sulke saken buten tiden in der kerke to bli˚en of te wesen . dat der bewaerst_ guetduchte . dat ze daer ware / So solde de bewaerster oer ene_ by laten de hoer n˚tte d˚chte en_ niet to begeerte der gheenre de in der kerke_ bliuen of wesen solde Item Men en sal geen geld setten to ghenen de ghene de jnt huys come_ zulle_ en_ wonen noch gha˚e noch maeltide Mer als me_ yemant jnt huys neme_ sal . so en sal men niet an~seen rycheyt of edelheyt maescap of vrientscap mer g˚ede zeden gued geruchte . ende gued geestlic le˚en Ende daer dat huys mede verbeterd sij in gode Item dat ghemene werck des huyses . dat sal en yghelike doen daert de bewaerster dat begeerd sonder cronen Mer weer oere enich zeec of kranck . dat ze des niet en vermochte de mochte der bewaerster dat segge_ ende d˚chte dier / datter ghene gevensicheyt inne en weer so mochte se des haer verdragen op de tijt Mer wolde yeme_t hiir inne hard / en_ wederstandich . wesen / dier en solde de bewaerster niet ghe˚en van den gemenen g˚ede ofte verualle des huyses ter tijt to dat ze der bewaerster to wille weer Item ze en zullen neghene geselscap holden . ofte gaste bidden ofte hem to gaste laten bidden ten sij by gueddunke_ der bewaerster Item se en zulle_ niet clage_ ofte seggen . vriende ofte mage de dinge de ander hem gescheen / mer heeft yema_t yet op seggens op den and_en dat sal se tonen der bewaerst_ ende en can de des niet gebet_en so salt de voert versake_ ? kerch_e of an de scepene of an beyde_ na den dat de sake eyschet Item des mondes na dien dat de clocke neghen slaett . so sullen ze op oer roste wese_ en_ hueden dat ze nyema_t hinderlic en sin mit woerde_ mit ger˚chte of in ander wise ende wes se hem hiir inne ontgengen dat solde_ ze oflate_ by guetdunke_ der bewarster Ende so wye sake_ an lege langer voerde te wesen de solde dat anbrengen der bewaerster en_ verweruen volbord an hoer of ze mochte Item ist sake dat se vake sprake holde_ willen of holde mit enige_ p_sone dat sulle_ ze aflate_ na gueddunken der bewaerster in wat stede dat / en_ zonderlinge in der kerken en_ alse ze in der kerke_ sin onder den tiden dat ze dan niet meer en verwandelen oer stede noch van der ener stede tot der ander en gaen . dan der bewaerster n˚tte d˚nket Item hore geen en sal vter were gaen . noch allene gaen sonder guetdu_ken der bewaerster en_ wye vytgaet de sal sonder cronen de_ ghenen mede~nemen de oer de bewaerster mede doet en_ de salt doen Item weerd dat enige van der ander yet zage / of wiste dat quaden schiin hadde daer solde sy se godertierlic in vermane_ en_ weerd n˚tte oec der bewaerster seggen . op~dat me_ daer to tide toe saghe . Item so wye gecore_ word tot eenre bewaerster de salt dat jaer wesen . en_ weerd sake dat ze oer des vorweerde en_ neet doen en wolde so solde men ze vyt de_ huyse zetten / Item alle hinder of twiuel de in desen ponte_ gescheen moghen of ander gebreck dat onder de_ p_sone_ des huyses vallen mach de sulle_ staen tot verclaren des kerch_en . der scepen . de daer to gesett sin en_ der bewaerster Item so en zulle_ de p_sone des huyses nyema_t va_ bute_ huys an hem trecke_ meer dan der bewaerst_ n˚tte d˚nket Item waren twye in eenre camere_ de niet auerdrege_ en konde_ oft hem anders neet wiislic en hadden de mach de bewaerst_ sceiden en_ anders waer setten daertt oer gueddunket zunder yemans wederseggen . Mer hadde se enige cost an de kamer gelegt daer ze vytgesett word . dat bi den co_uent gesceet were dat solde men redelike weder verseen . Item So en sull_ se nema_t va_ bute_ huys bi hem neme_ te slape_ noch herb_gen bate_ volbard en_ wille der bewaerster / Item in den somer en zulle_ de p_sone_ des huyses de o_mu__e der stad sin na der neghender vre . bute_ de_ huyse niet bliue_ Ende in den lente en_ in de_ herfste na der souender vre . ende in den wint_ na der sest_ . vre . Item weerd . sake dat enich van den p_sone_ des huyses menichwerf dede tegen enich va_ desen p˚nten en_ ze de bewaerster enewerff en_ anderwerf bi den and_en huysgenote_ ? hadde . en_ oer niet en beterde dier solde me_ bi rade des kerch_en En_ der scepen de daer vyt de_ rade to gesett sin neme_ oer gemene deel dat ze va_ des huyses wege_ pleget to hebbe_ of te make vyt den huyse sette_ na dien dat de sake groet is item so sint oec sunderlinge punte_ daer me_ yema_t o_me vyt setten sal als o_me onkuyscheyt va_ lichame / o_me gaue oere enich trouwe / yema_t / of heelde besproke_ geselscap mit enige_ ma_ne of heeld_ oere enich my_noerscap daer me_ onkuyscheyt mede . bewerwet of de stele . of vochte / oere enich oft te male hard . in onvrede en_ onseggelic bleue / of de bute_ oerlof dicwile lang vte ble˚e en_ ware / dese mocht me_ en_ solde me_ vytsetten Ende weerd dat enige misdaet oft versumenisse de me_ corrigire_ solde na inholt des briefs . niet gecorrigiert en worde en_ dat vor ons dan quame de solde wij scepe_ en_ Raed vors_ corrigire_n na forme des selue_ briefs also . dats hem een ander h˚ede Jn Oerkunde der waerheyt soe . hebbe_ wij scepen en_ Raed der stad va_ zwolle dese_ brief bezegelt mit onser stad grote zegel En_ wantt by ons kerch_en rade gesceet is so heeft hi dese_ brief mede bezegelt Geg_ jnt jaer ons heren duysent drie + hondert Ses en_ neghentich Op sante Odulphus dach . .