Corpus Van Reenen-Mulder (CRM14): Oorkonde F096p39702

Wij Scepen_ en_ Raed der stad van zwolle doen kundich alle_ luden dat wij be + rade goeder geleerde_ lude o_me to vereffe_ en_ te roste_ to setten de baghine_ onses baghine_~huyses en_ dier woni_ge_ in der baghine_~st__te gelege_ va_ de_ verbreke_ en_ twiste de ze onder~tusschen hadde_ van zomigen ponten . ende oelde_ gewoente_ . des huyses vorscr_ de sel˚e punte en_ gewoente des huyses gesatt en_ geordineert hebbe_ . na der bester forme de wij daer op rame_ mochte_ . in alle_ manire_ alse hiir na besc_uen staet Ende de wij wille_ dat de baghinen onses huyses vorscr_ eendrachtelike tot ewigen dage_ holde_ zulle_ op~dat ze in vrede_ en_ in my_ne_ rostlike_ to~gader o_me~gaen ende in gehoersamicheyt der hiliger kercke_ gode denen moghen zunder enige_ twist in de_ geeste der oetmodicheyt onder pene en_ in alle_ manire_ des p_ncipaels briefs / daer dese brief dor gesteke_ is oer p_uande to nemen oft vyt den huyse toe setten Jn den yersten so zulle_ ze een van den baghine_ kiesen diet verware na vytwisinge des scepen_~briefs / en_ de sal ene tot oer neme_ deet oer helpe verwaren . Item dese twye zulle_ malc ene_ slotel hebbe_ tot des huyses kiste en_ daer en sal de ene neet to gaen buten den and_en Item so en sal + me_ nema_t jnt huys ontfangen . ten sij bi den gemene_ baghine_ Mer weerd dat ze des alle neet en volgeden / dat solde staen tes kerch_en ter scepen_ en_ tes Raeds wisinge Item als me_ ene baghine Jnt huys ontfaet so sal men oer vorleesen alle de ponte en_ guede gewoente des huyses en_ daer sal se guedertierlike to segge_ / dat ze dat gherne wil doen ende holden . onder der pene des scepen_~briefs oer p_uande to neme_ oft vyt den huyse to setten Item o_me eenheyt des huyses so sulle_ ze gemeenlic falien hebbe_ en_ de dragen des hochtides en_ des hiligen dages / alst tijtlic is Item omme de mere oetmodicheit so dragen ze hele mouwen Item dat ze des mane_dages negeen vleeysch en ete_ Item dat ze va_ alle goeds hilge_ tot paeschen . swoendesdages mer eens en ete_ Item dat ze van sante mertens dage tot kerstsdag_ des daghes mer eens en ete_ . sonder des sone_dages Item so sulle_ ze des manendages na den sone_dage to vastollauonde in de vaste_ gaen Item Als eene baghine doet is so grave_ ze die / na oere older manire_ Item So leese ene yegelike baghine jnnichlijc op oere_ knye dagelix viiff + en_ + twintich Pater~noster Item So lesen ze alle jaer hond_t pater~noster vor de ghene de daer doet sin Item alse ze ten doden . to vigilie_ . of to grave gaen . so gaen se to~samen als der meyst_sche_ gued + dunket Item So gaen soe eens of twye ter weke to~gader ende bidde_ vor den pawes / vor den bisscop en_ anders vor de ghene de em goed gedaen hebbe_ Item alse ze ten sac_me_te gaen so steke_ ze enen doec vor als ze oetmodelixt ko_nen . Item Soe gan . men . em des bidd_es / thent dier tijt dat men een beter vingt Item als men em goed of testame_t gift daer bidde_ ze vor in oere jnnycheyt als dat de meyst_sche ordineert na oere co_sciencien / Ende zo wye dat dese vorscr_ ponte_ neet en heelde en_ ander ponte_ de der scepen_ en_ des Rades briefs daer dese brief dor gesteke_ is inholt en_ beg_pen heeft / den solde de meyst_sche oer p_uande neme_ bi rade der ander baghine_ en_ gevolle daer enige zwaerheyt vorder in so solde men se vyt den huyse wisen bi rade des kerch_en / ende twye van den Rade / de daer to gesatt sin na inholt des p_ncipaels briefs vors_ . Jn Oerk˚nde der waerheyt so hebbe_ wij dese_ brief bezegelt mit onser stad zegel Ende wanttet bi onses kerch_en Raed en_ wille gesceet is so heeft hi dese_ brief met onss mede beseghelt Geg_ Jnt Jaer ons h_en duysent drie + hond_t soue_ en_ neghentich des donredages na sante jacobs dach Maior