Corpus Van Reenen-Mulder (CRM14): Oorkonde F096p39703

Wij lambert van dese en_ berend van yerte in der tijt scepen_ in zwolle doen kundich alle_ lude_ dat vor ons gecome_ is jnt schependom Roloff va_ Ittersem Ende geliede des dat hi mit gonste en_ mit vrijntscappe vor hem en_ vor zine erfgen_ lieflic auerdrage_ is mit de_ Eersame_ h_en Prior en_ co_uent der Regulire_ des cloest_s van belheem i_ zwolle va_ der ty_meringe oers cloest_s langes Roloffs huysinge tege_ oere_ vrijthoff in manire_ der ty_meringe hiir na bestae_ jn de_ + yerste_ so sulle_ de h_en oer ty_meringe voert o_me make_ . also alse ze de bestaen hebbe_ in deser manire_ dat ze beyde de lageste en_ oec de hogeste m˚re make_ sulle_ also hoech by Roloffs were na waterpasse / alse sy bestaen is by de_ cloest_ en_ neet hogher en_ hiir aff is te wete_ dat de legeste m˚re de tot Roelfs huyswerd staen sal o_mer bliuen sal onder Roloffs glasevenst_ va_ sine_ zael . al weerd oec dat het waterpass hog_ droge voert meer tussche_ de m˚er va_ Roloffs huys en_ der nyer m˚er de de h_en make_ sulle_ sal ligge_ bliuen een R˚em va_ derde + halff voet daer hoere beyder wat_ va_ hoere druppe_ in valle_ sal en_ daer in moge_ de here_ oec leyde_ twat_ va_ hoere kercke_ also veer alse de gote tussche_ der kercke_ en_ Roloffs huys dat nv leydet ten Cloest_ werd en_ dat wat_ te~same_ sal ene_ vytgang hebbe_ onder Roloffs cleyne Camer in sine stille jt_ dat wat_ va_ der seluer Camer dat valle_ sal op der h_en dack sal de_ selue_ wech sine_ vytgang hebben voert sint vorwarde dat Roloff va_ jttersem noch sine erfg_ gheen opgaende venst_e en sal hebbe an sine vors_ woni_ge tege_s de_ vrijthoff bo˚e_ noch benede_ Mer de glasevenst_e sal hi beholde_ an zine_ zael . en_ de mach hi make_ lucht te crige_ soe hi de onder zine_ nederste_ solre best gemake_ kan / voert de opgaende venst_e de hi heeft boue_ sine_ nederste_ solre_ de sal hi af neme_ en_ mit steene to m˚re_ Mer daer boue_ boue_ de selue venst_e mach hi glasevenst_ sette_ ende de sal hi alle tijt dichte va_ glase_ holde_ sonder argelist en_ daer boue_ sal hi alle gate te_ cloest_ werd to m˚re_ en_ neet weder apenen voert moge_ de here_ in Roloffs m˚re onder de_ dake bolte sette_ en_ daer an plancke_ o_me te bescudde_ Roloffs dack onversienlic op hoer dack te valle_ voert so sulle_ rolof en_ sine erfg_ verbonde_ wese_ hoer w_e altijt gedeckt te holde_ en_ oft + s noet were va_ nywes te decke_ mit leye_ of mit rede of strodake dat + s te verstane dat me_ dier vors_ w_e aldaer mit ghene_ stene en sal decke_ o_me to verhuede_ dat des cloest_s dack dat daer ond_ staet te myn gebrake_ en_ gestediget werde voert meer weerd sake dat Roloffs w_e va_ he_ of van sine_ erfg_ vercoft of an een ander hand gebracht worde so sint vorwarde dat de h_en daer~en~tendes averbonde_ sulle_ wese_ mit hore ty_meringe en_ staen op hoer stadrecht gelijc dat ze dede_ eer dese vorwarde gededingt worde_ al argelist vytgesproke_ jn oerkunde des briefs bezeghelt mit onse_ zegele_ lamberts en_ berends scepen_ vors_ o_me bede Roelffs vors_ Geg_ jnt jaer ons h_en Duysent drie + hond_t soue_ en_ neghentich des wonsdag_ na sante egidius dach