Corpus Van Reenen-Mulder (CRM14): Oorkonde F096p39801

IC Herma_ va_ wiitme_ in der tijt Richt_ in zwolle doe kundich allen lude_ dat vor my gecome_ sin jnt gerichte en_ in ene_ gehegede_ heymael en_ vor gerichts~lude hiir na besc_ue_ dyric jordaning en_ ghese siin echte wiif mit diric vors_ oere_ gecore_ mo_bar de oer mit ordel en_ mit rechte gegeue_ waerd en_ hebbe_ gegeue_ en_ gave_ vor he_ en_ vor oer erfgen_ erflic en_ ewelic slecht van der hand rechte~voert afstaende alse recht was / ter ere gods / o_me zalicheyt hore zile_ hore old_en en_ der geenre zile_ zalicheyt de_ god daer zalicheyt af gonne_ wil / den megede_ en_ weduen de nv t_ tijt in Renichede_ to~gader wone_ binnen zwolle in der were gelege_ in der nyer des_~st__te / tussche_ gebbe_ were va_ verse_ an de ene zijt en_ bilanx der stege mit der ander zijt strecke_de vor va_ der st_te tendes an der stad~m˚re / en_ hore_ nacomeli_ge_ erflic te besitten achte pond pachtgeldes / des jaers / vyt ander + halue_ morghe_ lands / gelege_ to voerste teneffe_ den Caninen le_ge tussche_ gheerds erfg_ va_ spoelde / en_ egbert deghe_ son / de een edel eyghen sin als de gelege_ sin to betale_ alle jaer cu_merlos op sante merte_s dach in de_ wint_ tot pacht~rechte mit paym_te daer me_ i_ zalland gemeenlic pacht mede betale_ mach Ende ze lauede_ hem dat dese achte pond ghelds des jaers de yerste tins en_ pacht wese_ sulle_ de vyt de_ vors_ lande gaen sal . Ende ze liete_ em dese vors_ jaerre_te vor my op in de_ selue_ gerichte en_ vertege_ daer aff mit ordel en_ mit rechte en_ mit vertichnisse en_ oplatinge alse recht en_ gewoenlic is en_ mit alle_ rechte dat recht is als dat landrecht daer af wiset en_ lauede_ hem de jaerre_te to ware_ in alle_ manire_ alse vors_ is en_ dat land vor een edel eyghe_ vor he_ en_ vor oer erfg_ en_ vor alle de ghene de des to rechte come_ wilus vorsc_ . Geg_ jnt jaer ons h_en duyse_t drie + hond_t acht en_ neghentich op de_ hilge_ dertiende_ dach