Corpus Van Reenen-Mulder (CRM14): Oorkonde F096p39901

Wij berent van ijrte en_ lubbert willams soen Jnder tijt Scepen in zwolle Maken kondich allen luden Dat voer ons ghekomen sijn int scependom als voer scepen femme van dese mit wermer Johans soen oeren ghekoren mombar die oer van desen saken gegeuen wart alse recht was Ende ghelyeden des Dat sij voer em en_ voer oer erfg_ quijtgheschulden hebben en_ quijt schelden mit desen openen brieue Ernst van dese en_ sijnen erfg_ van allen ghelde Dat Ernst voers_ van femmen weghen voers_ gheboert en_ ontfangen heuet van Aleff van zuythem en_ danckede_ hem . daer aff gueder betalinge en_ bewisinge die Ernst voers_ femmen en_ wermer oere_ mombar daer off ghedaen heuet Daer ouer en_ an gheweest hebben Aleff van zuythem wermer Johans soen voers_ Jacop van Wijtmen en_ hertgher beye en_ anders gude lude Al arghelist hijr in vytgheseghet Jn orkunde des brieffs beseghelt mit onssen segelen Om beden wille femmen en_ wermers voers_ Gegeue_ Jnt iaer onss h_en Dusent Drie + hond_t nege_ en_ nege_tich des woensdages na sante lucien dach .