Corpus Van Reenen-Mulder (CRM14): Oorkonde F096p40001

Wij Ghert sticker en_ Gherlich die cadeneter Jn + der tijt scepen in zwolle Maken kondich allen lude_ Dat voer ons gekomen sijn jnt scependom als voer scepen Claes tyasen soen . willam tyasen en_ Euert tyasen ghebrueder_ Claes voers_ kijnde_e En_ gauen mit oeren vryen wille puerlike om goeds wille slicht van + der hant als recht was des hilighen sacraments broederscap toe der armer behoef bynnen zwolle ewelic en_ vmmermeer Drie pond gheldes des yaers h_en~pachts . vyt eenre maed gheleghen in deser marke jn + den toedeel Tusschen hermans lande van rechter des olden . en_ rike lubberts lande . Die nv ter tijt in erfpacht heeft willam willams soen en_ Styne sijn echte wijff Te betalen alle iaer op sante Martijns dach in + den wijnter toe pachtrechte mit paymente daer + men den he_e sijnen pacht mede betalen mach jn vorwarden Dat Claes . willam en_ Euert voers_ off oer erfg_ alle iaer elc pond vors_ loezen moigen mit zes vrancrijcschen schilden en_ mit der verzetener pacht die verschenen we_e . En_ sij lyeten dese iaerrenthe voers_ voer ons op slicht van + der hant jn + den seluen scependom en_ vertegehen daer off in allen manieren voors_ toe behoeff der armer der br˚ederscap voers_ als recht was Sonder arghelist Jn orkunde des briefs beseghelt mit onssen segelen Gherts en_ Gherlichs scepen voers_ Om beden wille Claes willams en_ Euerts voers_ Gegeue_ jnt iaer onss h_en Dusent vyer + hondert op onsser vrouwen Auont Annu_ciaco