Corpus Van Reenen-Mulder (CRM14): Oorkonde F098p35701

Wij vrederic van hekere Ridder En_ lutgard van Rechter zijn witlike wijf bekennen en_ tughen openbaer in dezen breue / Dat wij bij willen Aleyde margareten en_ Sweders onzer witliken kind_e hebben vpghedreghen en_ Erflike van der hand ghegheuen dat Slach en_ dat alinhe g˚ed in den verbroeck gheleghen thod Recter in den kirspel tho Daluessem alinglike alst Godert van D˚ueler onder hadde en_ hies in bezitte was Daer God die ziele af hebben mote jn altaer z˚nte johans Ewangeliste in der kirken tho Daluessem dat (onleesbaar) gherenthet is van der hoefstede van recter dat daer Erflike en_ Ewelike jnne tho bliuene thod Een Ewighe_ testamente voer onze ziele en_ onzer vriende ziele / des Godert in zine_ lesten Ende jnnelick begherne was En_ die h_e van voerst in den Scheede van Goderdes G˚de tho voren jn zeghede / na alre komst dat g˚ed vorg_ in dat altaer vorscreue_ En_ wij en_ onze Erfghenamen willen des rechte waerscap doen wo men testament to rechte waren zal / Al arghelist vyt~ghezeghet / jn orc˚nd en_ recht t˚ech der warheyt zo heb wij vrederic Ridder / en_ l˚tgard vorg_ voer ons en_ onze Erfghenamen dezen bref bezeghelt myd onzen zeghelen / Ghegheuen jnt jaer ons h_en D˚sent Dre + h˚ndert Souen en_ vijftich vp z˚nte vrbanus Dach . . .