Corpus Van Reenen-Mulder (CRM14): Oorkonde F108p36901

@ @ Wy Scepene van herderwiic / orconden mit desen briue / dat Coep paeze dye oude heuet of~ghestaen en_ vpghedraghen alse Recht is @ Tide paezen / en_ joha_ne paezen sinen kynd_en / siin Steenh˚ys en_ erue / achter en_ voer mit den zidelh˚ys daer beziden ende @ mit den achterh˚ys an der groter straten / ende enen haluen hof / gheleghen achter den Schupsmed_en / also als dese erue / gheleghen @ siin / mit horen to~behoren vp al~sulken Tiins als daer vyt gaet / als vor viertich pont g_te des heuet ? Coep paeze @ vors_ / also vele vpgheb˚ert / dat on Tide paeze sculdich bliuet Ellef . pont g_te / ende johan paeze bliuet sine_ ? sculdich viertiinde + half pont g_te / En_ dit gheld / sullen / Tide en_ johan / beyde gader betalen bi_nen jaers / En_ ist ? . dat sijs @ bi_nen jaers ? ? ? / So moghen si tot paeschen ? to~kome_de / ouer een jaer Ellic ? g_te hier veripiden @ @ mit enen ponde Tiinsgheldes / ende alse voert an / hint ter tiit / dat si dit gheld vors_ / al betaelt hebben / al (onleesbaar) ? of @ al efensche / ellic pond Tiinsgheldes vorg_ / mit enen pont g_te of te losen / vp den Termiin van paeschen / En_ weret @ sake / dat Coep paeze vors_ enich ghebrec hedde / van deser betalinghe van desen ghelde / So mochte hi weder an @ dit vorscr_ Erue Tasten / na onser stad rechte / s˚nder arghelist / hint ter tiit dat on vol gheschiet were Dese @ saken siin ghescheit / bi siinre kynder to doen / als oude meüs paezen / peters / jonghe meus heyne molyen / hors @ swaghers . / Swanelde horre zust_ / mit hors mombars hant / vnde wort So hebben / oude Meus paeze / en_ heyne @ molye vorscr_ / ghelouet / vor Tide suben / als hi bi h˚ys komet / dat hi desen Coep mede stede houden sal . jn een @ orkonde der waerheyt So heb wy onser stede seghel @ an desen brief ghehanghen Ghegheue_ int jaer ons h_en dusend drye + hondert @ neghen en_ Tsestich / des sonnendaghes te midvasten / als men zynghet Oculi .