Corpus Van Reenen-Mulder (CRM14): Oorkonde F108p39901

@ @ Wii @ brueder Alart legghenoet Gardiaen des Cloesters der mi_rebroder in herderwiick en_ dat ghemeyne @ Conuent des vuers_ cloesters maken kont allen . luden . lyen . en_ bekenne_ mit dessen . opene_ brieue dat de erbaer @ lude schepen_ en_ Rayt der stat van herderwiick onsen kerchof ghemi_ret hebben . en_ de mure des vuers_ kerchoefs inwart @ geset hebben . dat dat gheschiet is bi wille en_ toedoen ons_ prelaten en_ onses ghemeyne_ Conuents vm n˚t orbaer @ en_ Caritate . de de vuers_ schepen_ en_ Rayt ons en_ onsen . cloester vuerg_ bewiset en_ ghegeue_ hebbe_ na inghehoudt @ @ haers briefs den . sij onss daer op gegheue_ hebben . Daer vm so siin wii des eendrachtelic ouerdragen . en_ willen dat @ wii desse vuers_ eerbar lude vryen . sullen . dat sij van onsen . prelaten . oft haer . nacomelinghen . en_ van onss en_ onsen na-comelinghen . van dess vuers_ sake . gheen last of hiinder liden en . sullen . En_ vm~dat wii willen . dat al . desse vuers_ saken . @ + ewelic vaste en_ stade bliue_ sonder enich arghelist so hebben . wii in kennisse der waerheit en_ vestenisse des briefs onses @ Conuents segel @ an dessen . brief ghehanghen . Gegeue_ int jaer onss . here_ . dusent + . drie hondert negen en_ negentich @ des @ saterdages na sunte marcus dach des ewangelisten . . . ~