Corpus Van Reenen-Mulder (CRM14): Oorkonde F133p34701

Allen luden die desen brief zolen sien of hoeren lezen doe wy bertolt Tersel Richter Johan vryherte ende Ghisebert van dier hazelt scepen der stat van deve_t__ kondich en_ betughen openbaer in diezen brieue dat voer ons sin ghecoeme_ i_ + gherichte ghehegheden heymael ende i_ scependoem volquin hackart en_ Neze siin witliic wijf docht_ wilner simon van der cokene ende verlyeden openbaer dat sie vercoft hebn gheneken ghenekens zoene burgher to deuent_ to behoef des hillighen gheystes hues to deue_t__ dien haluen haghen bi dien vene so als de gheleghen is om ene su_me van ghelde de hem witlike ende wael betaelet is . welc land ? sie met eren vryen wille hebn vp~ghedraghen Gheneken voerseit to behoef des voerscreue_ hillighen gheystes hues dien hues dat Erfliken en_ Eweliken to besitten ende heb daer mede verteghen alles rechtes en_ Eyghendoems dat sie of ere Erfghenamen hadden an dien lande of hier~na~males hebben mochten Ende i_ eyn oerkonde des so heb wy bertolt Richt_ Johan en_ ghisebert scepen der stat van deuenter onze zeghele an diezen brief ghehanghen . ghegheuen Jnt Jaer ons heren dusent drye + hondert zoeuen ende viertich vp zante Jacopes dach des Apostels