Corpus Van Reenen-Mulder (CRM14): Oorkonde F133p36301

Wy . Johan pamont en_ . dyrijc bi den brincke scepe_ in der stad va_ deuent_ doen te + uerstaen alle_ de_~ghene_ die dessen brief zulle_ sien of hore_ lesen / en_ tughen openbare alse bi ghehiete_ der Scepe_ en_ Rade der stad va_ deuent_ dat . heyniken gelijs sone ghegheue_ heeft in rechte_ testam_te voer zi_e zielen de hi (onleesbaar) (onleesbaar) den Baghinen in den . Co_uente to deuent_ . Eyne quaerte wijns iaerliker renthe_ die hi heuet ? erve en_ vyte_ huys dat tobehoert . werner mute_ en_ Ghebbe_ sine_ wiue gheleghe_ in der stad va_ deuenter an den vyschmarcket / tussche_ den erve en_ huys dat wileneer tobehoerde ? (onleesbaar) an die eyne zijt / en_ den erve en_ den huys dat tobehoert . zoete_ va_ apeldor_ en_ horen kinderen an die ander zijt . in aldusliker manire_ dat die~ghene die in der tijt baghinen sin in den vorscr_ Co_uente die vors_ quaerte wijns iaerlix erflike_ en_ ewelike_ vyte_ vors_ erve en_ huyse heffen en_ vpbore_ zullen in behoef en_ tot volleste des wijns den sy nutten zullen iaerlix wa_neer sy onses here_ licham ontfa_ghen hebbe_ in der Capelle_ va_ der mi_rebroder kercken vp~dat sy in hore_ hilighe_ ghebede sire ziele_ ghedencke_ al arghelist hier vyt~ghesproken . Jn orco_de des so hebben wy Johan en_ . dyrijc scepe_ vorscr_ onse zeghelen an dessen brief ghehanghe_ bi ghehiete_ der Scepe_ en_ Rades der stad va_ deuent_ vors_ Ghegheue_ int iaer ons h_en dusent drie hondert drie en_ tzestich des donredagh_ vp sente lucien dach . .