Corpus Van Reenen-Mulder (CRM14): Oorkonde F133p36701

Wy Johan pamont en_ . dyric bi den brincke Scepen in der stad van deuenter / doen te + uerstaen allen den~ghene_ die dessen breef zoelen sien of hore_ lesen en_ tughe_ claerlic dat voer ons in scependoem is ghecomen . Gosen to_ duno en_ becande al~daer ope_bare . dat Egbert verremolen en_ sine erfghenome_ hebbe_ erflic en_ ewelic / dat vierde deel . an de_ achte punt gheldes cleynre pe_ninghe iaerliker renthe_ / die hi heft vyt de_ erue en_ hues / dat tobehoert . berte_ vp engestrate_ daer vrederic vos nv ter tijt inne woenachtich is / gheleghe_ binne_ der stad va_ deue_ter bi den Coernmarcte tussche_ . wijchmans hues va_ laten an die eyne sijt / en_ tussche_ . berte_ hues vp engestrate_ daer sie nv inne woent an die ander sijt / mit alsoliken vorwarde_ en_ pu_ten / alse die ope_ne breef heft begrepe_ de_ die vors_ Gosen heft / en_ die spreket vp die vors_ achte p˚nt gheldes iaerliker renthe_ / welic vierde deel va_ de_ achte pu_den iaerliker renthe_ vorscr_ . die zelue . Egbert en_ sine erfghenomen iaerlix heffe_ en_ vpbore_ zal . vp alsolike termine . alse me_ ghemeynlic in deuent_ tyns en_ hueshure plecht vp + te + bore_ne / En_ dat vors_ vierde deel va_ de_ achte punt gheldes vorscr_ heft die vorghen_ Egbert ghecoft va_ Gosen peghing va_ zwolle en_ . Trude_ sinen wiue . al arghelist hier vyt~ghesproke_ Jn orco_de des so hebbe_ wy scepe_ vors_ onse zeghele an dess_ breef ghehangen Ghegheue_ int iaer ons here_ dusent drie hondert zeue_ en_ tzestich vp sente Andries auont