Corpus Van Reenen-Mulder (CRM14): Oorkonde F133p36801

Wij Roelf tor brugghe_ ende Coenraet vor ockenbroec scepene in der stad van deuenter / doen te + uerstaen alle_ de_~ghene_ die dessen breef zolen sien of hore_ lesen ende tughe_ claerlic dat voer ons in scepe_doem sin ghecome_ . henric rodeberents en fenne sijn witlike wijf en_ becande_ openbare / dat sy eynparlic mit hore_ vryen en_ goede_ wille_ witlike_ en_ wael hebbe_ vercoft in eyne_ rechte_ en_ stede_ erfcope Egberte verremolen en_ sine_ erfghen_ drie punt gheldes cleynre pe_ninghe iaerliker renthe_ payme_tes daer me_ in der tijt ghemeynlic in der stad van deue_ter tyns en_ hueshure mede betale_ mach / vyt hore_ erue en_ huys dat gheleghe_ is binne_ der stad va_ deue_t__ in de_ kerspel va_ sente nycolaus vp de_ berghe in der gholtstrate_ / tussche_ de_ erue en_ de_ hues dat tobehoert Joha_ne de_ monic an die eyne sijt / en_ tussche_ de_ erue en_ de_ hues dat tobehoert Mette_ wileneer scurema_ lambertes dochter an die ander sijt / erflike_ en_ ewelike_ iaerlix te heffe_ne en_ vp te + bore_ne vyt de_ vorscr_ erue en_ hues die eyne helfte daer af vp zantghange_ alse me_ scrijft Gereonis et victor_ en_ die ander helfte vp Paessche_ alse me_ ghemeynlic in der stad va_ deue_ter tyns ende hueshure plecht te gheue_ne en_ te betale_ne / o_me eyne su_me gheldes die hem bi de_ vors_ Egberte witlic en_ wael is betaelt / behoeldelic in dess_ vors_ dinghe_ anders elkermalcke sijns rechtes / al arghelist hier vyt~ghesproken Jn orconde des so hebbe_ wy . roelf en_ Coenraet vorghen_ onse zeghele an dess_ breef ghehanghe_ Ghegheue_ int iaer ons here_ dusent drie hondert achte en_ tzestich vp ons_ vrouwe_ auont a_nu_ciat_____