Corpus Van Reenen-Mulder (CRM14): Oorkonde F133p37101

. Allen den~ghenen die dessen breef zolen sien of horen lesen doen wy te + uerstaen . Peter dyrix soen . richter . Johan bodeker en_ Johan die grote . scepen in der stad van deuenter en_ tughen claerliken dat voer ons int gherichte in eyne_ gheheghenden heymale en_ in scepe_doem is ghecome_ . Albert die backer ende becande openbare / dat hi mit sine_ vryen en_ goeden willen witlike en_ wael heft vercoft in eyne_ rechte_ en_ steden erfcope . Joha_ne splitof . dat vierden deel an den Erue en_ hues dat eermaels . Randolue den leyendecker tobehoerde mit de_ kelre die daer to + behoert die eyns~deels strecket onder fenne_ hues baertscherres dat daer bi alvaste an gheleghen is . welic erue en_ hues voorscr_ gheleghen is binne_ der stad va_ deuenter in der Assenstrate bi den pote tusschen den erue en_ de_ hues dat tobehoert . Maes den cremer an die eyne sijt / en_ tusschen den erue en_ den hues dat der vors_ . fenne_ tobehoert an die ander sijt / erfliken en_ ewelike_ te hebbe_ en_ te besitten voer eyne su_me gheeldes die hem bi den vors_ . Joha_ne splitof witlike ende wael is betaelt . Ende die vors_ . Albert verteech al~daer rechteuoert erflike_ en_ ewelike_ van de_ vors_ vierden deele / an den vorscr_ erue en_ hues / tot behoef des vors_ . Johans splitof en_ sire erfghenome_ en_ droghet hem vp mit vertichnissen en_ mit vplatinghe_ alse in der stad van deue_ter recht en_ ghewoentlic is . alse dat die vors_ albert daer an niet en heft noch niet daer an en is te wachten . behoeldelic . henrike mo_men ende Gheride van rysen . drie punt en_ tyen schillinghe cleynre pe_ninghe iaerliker renthe_ die sie hebbe_ vyte_ vors_ alinghe_ erue en_ hues en_ voert in dessen dinghe_ anders elkermalcke sijns rechtes en_ al arghelist hier vytghesproken . Jn orconde des so hebbe_ wy richter en_ scepe_ vorghenoemt onse zeghele an dessen breef ghehangen Ghegheue_ int iaer ons h_en dusent drie hondert eyn en_ tzeue_tich des zatersdaghes na ons_ vrouwen dach natiuitas .