Corpus Van Reenen-Mulder (CRM14): Oorkonde F133p37201

Wy wolter borre en_ henric ter brugghe_ scepe_ in der stad va_ deuent_ doen te + uerstaen alle_ luden die dessen breef zolen sien of hore_ lesen en_ tughe_ claerlic dat vor ons in scepe_doem is ghecome_ her henric ruffus eyn preester en_ becande ope_bare dat hi mit sine_ vryen en_ goede_ wille_ witlike_ en_ wael heft verhuert ende vytghedaen tot eyne_ erftynse h_en Joha_ne beker eyne_ preester / dat Erue dat gheleghe_ is in der stad va_ deue_t__ in der Engestrate_ an de_ erue en_ hues dat tobehoort h_en peter voet Canonic in der kercke_ van deue_t__ mit der eynre zijt en_ strecke_de voert va_ der strate_ mit de_ vorste_ eende achterward mitte_ achtersten eende vp de_ pael die gheslaghe_ is bi den putte / iaerlix vor / twe en_ dertich schillinghe cleynre pe_ni_ghe payments daer me_ in der tijt ghemeynlic in der stad va_ deue_t__ tyns en_ hueshure mede betalen mach en_ iaerlix die te + gheue_ en_ te + betale_ die eyne helfte daer af to zantghange_ en_ die ander helfte daer af to Paesschen alse me_ ghemeynlic in der stad va_ deue_ter tyns en_ hueshure plecht te gheue_ en_ te betale_ hier + af sint vorwarde_ dat die vor her Joha_ en_ sine nacomelinghe_ ewelike_ ene_ toghang hebbe_ zolen tot de_ putte die styet acht_ an des vors_ h_en Johans erue . en_ die vors_ putte zal die zelue her joha_ en_ sine_ nacomelinghe_ ewelike_ helpen ware_ en_ hoelden en_ becoste_ ghelijc de_ vors_ h_en henrike en_ sine_ nacomelinghe_ va_ welike_ vors_ putte dat die zuel zal staen vp des vors_ h_en johans erue . Voert sint vorwarde_ dat die vors_ her henric en_ sine nacomelinghe_ behoelde_ zoele_ tot hoerre orbaer al de_ wech die strecket vore va_ der strate_ mit der poorte_ voert alvyt tot acht_ an dat hues dat de_ vors_ h_en . henrike tobehoert welike vors_ wech dat alvyt in den brede hoelde_ zal . vier ? vote ? ghemeten va_ de_ erue en_ hues dat tobehoert henrike voerding dat daer bi angheleghe_ is an die ander zijt / voert sint vorwarden dat die vors_ her Joha_ en_ sine nacomelinghe_ hore druppe niet leyden en_ zole_ vp den vors_ wech / behoeldelic ode_ reyners sone twe pu_t gheeldes cleynre pe_ninghe iaerliker renthen die hi heft uyte_ vors_ erue . die her Joha_ vors_ en_ sine nacomelinghe_ iaerlix erflike_ en_ ewelike_ vyt de_ vorscr_ erue tot de_ vors_ tynse vyte_ en_ betale_ zolen en_ voert in de_ vors_ dinghe_ anders elkermalcke sijns rechts en_ al arghelist hier uyt~gheseyt in orco_de des so hebbe_ wy scepe_ vors_ onse zeghele an dessen breef ghehange_ Ghegeue_ int iaer ons h_en dusent drie hondert twe en_ tzeue_tich des do_redaghes na sente lucas dach . .