Corpus Van Reenen-Mulder (CRM14): Oorkonde F133p37301

Wy . willam Crane richter . Johan ter poerte_ ende werner backer scepe_ in der stad va_ deuent_ / doen te + uerstaen alle_ luden die dessen breef zolen sien of hore_ lesen ende tughe_ claerlic . dat voer ons int gherichte in eyne_ gheheghenden heymale ende in scepe_doem sin ghecome_ . Joha_ gherits soen lysen + kints . en_ lutghard sijn witlike wijf . mit hore_ rechten mo_bare alse mit de_ vors_ . Joha_ne hore_ witlike_ ma_ne dien sie aldaer koes mit handen en_ mit mo_den en_ die hoer ghegheue_ waert alse ordel en_ recht wyset / en_ becande_ ope_bare . dat sie eynparlic mit horen vrien en_ goeden willen witlike_ en_ wael hebbe_ vercoft in eyne_ rechte_ en_ stede_ erfcope . Joha_ne splitof . eyn vierden deel va_ den erue en_ hues en_ va_ den kelre daer bi onder den andere_ hues gheleghe_ die daer to + behoert / dat gheleghe_ is binne_ der stad va_ deue_ter in der assenstrate_ bi den pote . tussche_ maes hues des cremers an die ene zijt / en_ tussche_ . fenne_ hues der baertschersters an die ander zijt / erfliken ende eweliken te hebben en_ te + bezitten vor ene su_me gheldes die hem die vors_ . Joha_ splitof witlike_ ende wael heft betaelt . en_ die vors_ Johan gherits soen en_ lutghard sijn wijf verteghe_ daer af . erflike_ ende ewelike_ tot behoef des vors_ johans splitofs / ende hebbent hem vpghedraghen mit vertichnissen en_ mit vplatinghe_ alse in der stad va_ deue_t__ rechte en_ ghewoentlic is . also dat die vors_ Joha_ gherids soen en_ lutghard sijn wijf ende hore erfghename_ daer an niet en hebben behoeldelic . henrike mo_men va_ keken derde + half pu_t gheldes en_ derde + half schilling cleynre pe_ninghe iaerliker renthe_ die hi heft vyte_ vors_ alinghe_ erue en_ hues . en_ voert in de_ vors_ dinghen anders elckermalcke sijns rechtes . en_ al arghelist hier vyt~gheseyt in orco_de des so hebbe_ wy onse zeghele an dess_ breef ghehangen Ghegheue_ int iaer ons h_en dusent drie hondert drie en_ tzeue_tich des dinxdaghes na des hilighe_ sacraments~dach