Corpus Van Reenen-Mulder (CRM14): Oorkonde F133p37401

Wy willam krane richter . Gherijt va_ ockenbroec ende hadema_ va_ heten ? ? der stad va_ deuenter ? ? alle_ ? die dessen ? ? ? ? hore_ ? en_ ? claerlic / dat vor ons int gherichte in ene_ gheheghende_ ? en_ in scependoem is ghecome_ her ? die grote Canonic in ons_ ? ? ? ? en_ heuet vpghedraghen en_ verteghe_ mit sine_ vryen en_ goede_ willen in ? hande / alse in die eere godes en_ ? ? en_ alre hiligher ? ? ? ? lude_ die ? dyene_ willen nv ende hier na . tot hoerre rechter hueswestinghe_ . herberghe_ en_ woni_ghe_ / sijn Erue en_ ? ? hi nv inne woent / dat ? ? ? der stat van deuenter in der Baghine_strate tusschen de_ Erue dat ghehiete_ is Nyenbeke an die ene zijt en_ tusschen de_ Erue dat ghehiete_ is keppel an die ? zijt also ? dat vors_ Erue ende hues vore en_ achter mit sine_ tobehoeren de_ arme_ lude_ en_ hore_ nacomelinghe_ nv altoes en_ ewelike_ bliue_ sal / en_ dat me_ des erues en_ huyses nv noch nvmmermeer vercope_ verzetten verwyssele_ of afbreke_ en sal . mer eyn ewighe wo_inghe der armer lude_ bliue_ zal Jn manire_ dat die ordina_ci regiment verwaeringhe inzettinghe en_ vytzettinghe / des vors_ huyses / na des vors_ h_en Gherides dode in hande der scepe_ en_ rades in der tijt der stad va_ deue_ter ? en_ bliue_ zal / ghelijc dat sie h_en Stappe_ hues en_ dat hospitael to deue_ter zette_ en_ regire_ / en_ die wijl tijts dat die vors_ her Gherijt leuet / so zal hi dat regire_ visiren ordiniren beginne_ inzetten en_ vytzetten an hem behoelde_ van de_ vors_ hues na dien dattet hem goedelic en_ redelic duncket mit consente der scepe_ en_ rades vors_ / voert so zal die vors_ her Gherijt behoelde_ tot sine_ liue en_ niet lengher die Camer boue_ en_ mit de_ kelre benede_ en_ dat hues boue_ en_ benede_ dat an der camere_ styet en_ eyn deel va_ der schuren na ? doet te come_ne en_ te bliue_ne to behoef der armer lude_ en_ in ordina_cien der scepe_ en_ rades vors_ alse vorscr_ is . Voert so zal die vors_ her Gherijt behoelde_ eyn deel van de_ houe ter strate_ wart na dien dat hem guet du_cket en_ dat daer vp ghety_mert is . en_ daer vp mach hi / oft yemant dien hijs ghunnet ty_meren wes hi ? en_ van dien houe en_ van dien ghety_mere mach hijt ordinire_ zate_ verware_ visire_ mit sine_ vryen wille_ die wijl tijts dat hi leuet na dien dattet hem god int herte zendet in die eere godes / en_ wa_neer dat hi daer ghe_tymmert heuet alse hi begheert / so zal die vors_ camere en_ dat vors_ hues daer an alinghe an dat hues come_ to behoef dier armer lude_ vors_ / en_ wes ghety_mert gheordiniert en_ ghezatet wart vp dat vors_ deel houes dat zal nv en_ na dode des vors_ h_en Gherides in der zeluer ordina_cien en_ zatinghe_ ewelike_ bliue_ sonder vercope_ verzette_ en_ afbreke_ en_ wa_neer die vorseide her Gherijt afliuich is . ghewarde_ . so en zal me_ die vors_ ordina_cie niet verwandelen noch tebreke_ ouer dat vors_ stucke houes mit sine_ begripe en_ mit sine_ ghety_mere zal in der zeluer manire_ va_ ordina_cien en_ zatinghen bliue_ in bewaeringhe en_ regimente der scepen en_ rades vorscr_ en_ in desser vors_ manire_ so heft al~daer die vors_ her Gherijt al~daer vor ons dat vors_ erue en_ hues vore en_ achter erflike_ en_ ewelike_ vpghedraghe_ en_ daer af verteghen . to + behoef der armer lude_ alse tot hoerre hueswestinghe_ herb_ghe_ en_ woni_ghe_ mit vertichnissen en_ mit vplatinghe_ alse in der stad va_ deue_ter recht en_ ghewoentlic is / al arghelist en_ quaetheyt hier vyt~ghesproke_ Jn orco_de des so hebbe_ wy richter en_ scepe_ vors_ onse zeghele an dessen breef ghehanghe_ . Ghegheue_ int iaer ons h_en dusent drie hondert vier en_ tzeuentich vp sente Matheus auont eyns apostoels en_ Ewangelisten