Corpus Van Reenen-Mulder (CRM14): Oorkonde F133p37402

Wy Gherijt van ockenbroke en_ Aernt vpper~heest Scepe_ in der stad van deuenter doen te + uerstaan allen luden die dessen breef zolen sien of hore_ lesen en_ tughe_ claerliken dat vor ons in scependoem is ghecome_ Gherijt berte_ wittelike zone ton stekede en_ becande ope_bare dat hi mit sine_ vryen en_ goeden willen witlike_ en_ wael heft vercoft erflike_ en_ eweliken . Wernere micheels sone . vyf en_ twintich schillinghe cleynre pe_ninghe iaerliker re_the_ payme_tes daer me_ in der tijt ghemeynliken in der stad va_ deue_ter tyns en_ hueshure mede betalen mach / alse va_ den vier pu_den drien schillinghen en_ neghe_ pe_ninghe_ cleynre pe_ninghe iaerliker renthen / die Berte to_ stekede des vorseyde_ gherides moder en_ die vors_ Gherijt hoer witlike zone iaerlix hebben vyt der helften en_ ene_ vierde_ deele van den Erue en_ va_ den hues vore en_ achter dat gheleghe_ is in der stad va_ deuent_ in der noordenb_ghestrate_ tussche_ den erue en_ de_ hues dat wileneer tobehoerde heyne_ godeknape_ an die ene zijt en_ tussche_ de_ erue en_ de_ hues dat tobehoert h_en berende to_ putte an die ander zijt alse vor eyne su_me gheeldes die hem witlike_ en_ wael is betaelt ende dat die vors_ gherijt an den vors_ vijf en_ twintich schillinghe_ iaerliker re_then niet meer en heft / behoeldelic in den vors_ dinghe_ anders elkermalcke sijns rechtes en_ al arghelist hier vytgheseyt in orco_de des so hebben wy onse zeghele an dess_ breef ghehange_ Ghegheue_ int iaer ons h_en dusent drie hondert vier en_ tzeue_tich vp sente Marcus dach