Corpus Van Reenen-Mulder (CRM14): Oorkonde F133p37601

Wij . Gherijt van ockenbroec en_ . Henric ter brugghen Scepen in der stad van deuent_ doen kond en_ kenlic allen luden mit desen open_ brieue . en_ tughen claerlic / dat vor ons in scependome sin ghecome_ . wybbe wilneer Johan hakesberchs wijf en_ Euese oer docht_ en_ becande_ openbare vor hem en_ vor hore erfg_ / dat sij eenparlic mit goeden berade / en_ mit horen vryen wille_ witliken en_ wael hebbe_ vercoft in enen rechte_ steden erfcoep . Aleyde wilneer Bruen nyeghenaps witlike wijf en_ horen erfgen_ . Een pond gelts cleynre pe_ninghe iaerliker renthen payments daer men in der tijt ghemeenlic in der stad van deuent_ tyns en_ hueshure mede mach betalen vyt den erue en_ hues dat gheleghen is binne_ der stat van deue_t__ in der steghelen die strecket van der polstrate an die . Assenstrate / tusschen den erue en_ hues dat toebehoert . Lamb_t schelen an die een zijt / en_ den erue en_ hues dat toebehoert . herman van dyeden en_ wybbe_ vorg_ sire zuster an die ander zijt . Erfliken en_ eweliken iaerlix daer vyt te + heffen en_ op + te + bore_ die een helfte daer af toe paesschen / en_ die ander helfte daer af toe zantghange . alse men ghemeenlic binnen der Stat van deuent_ tyns en_ hueshure pleghet op + te + bore_ en_ tontfanghen alse vor een su_me ghelts die hem bij der vors_ Aleyde witliken en_ wael is betaelt Beholdelic in desen dinghen anders elkermalke sijns rechts en_ al arghelist hier vyt~ghesproke_ . Jn orconde des briefs beseghelt mit onsen zeghele_ Ghegheue_ Jnt iaer ons h_en duysent drie + hondert Ses en_ Tseuentich des manendaghes na sente lucien dach